Għada/Illum Jum il-Festa tal-Assunta. Fil-5.30am u fis-7pm quddies lett. Fid-9am Quddiesa Solenni tal-Festa immexxija minn Fr Noel Vassallo u jipprietka Mons Alfred Vella.
Fil-11am Quddiesa u fl-12pm nitolbu t-talba tal-anġelus mal-ġenb tal-Knisja u ssir l-offerta għall-irfigħ tal-vara.
Fil-5.30pm Quddiesa li fiha nitolbu t-tieni għasar, mmexxija minn Fr Karl Andrew Schembri.
Fis-7pm tibda ħierġa l-Purċissjoni bil-vara ta’ Santa Marija. X’ħin l-istatwa tasal fi Triq Vitale nitolbu flimkien it-taba tar-Rużarju. Wara d-dħul tal-Purċissjoni fl-10.30pm tingħata l-barka sagramentali.
It-Tnejn 19 t’Awwissu l-quddiesa ssir fl-Oratorju fl-okkażjoni tar-raba dehra tal-Madonna ġewwa Fatima. Filgħaxija ma jkunx hawn quddies fil-Knisja Parrokkjali.
Ser issir bibita bħala ringrazzjament għal dawk kollha li taw is-sehem tagħhom fil-preparamenti għall-festa nhar il-Ħamis 22 t’Awwissu fis-7.30pm l-Oratorju.
Il-Ġimgħa 23 t’Awwissu jsir it-tqarbin tal-modra tat-tielet grupp.
Is-Sibt 24 t’Awwisu wara l-quddiesa tas-7pm isir id-dħul tal-vara fin-niċċa.
Matul dan il-weekend il-ġbir imur b’risq l-ispejjeż tal-festa. Wieħed ukoll jista’ jikkontribwixxi billi jwassal lura l-envelope li tqassam hawnhekk fil-knisja.
Infakkru fil-bukketti li ma jinxfux li jmorru għall-proġetti tas-Sagristija u l-manutenzjoni urġenti tal-laterna tal-knisja.
L-Uffiċċju Parrokkjali ma jkunx miftuħ matul il-ġimgħa li ġejja, min ikollu bżonn xi ħaġa jista’ jikkuntattja lil xi ħadd mis-saċerdoti.
Ir-reġistrazzjoni tal-katekeżi għas-sena li ġejja ser issir fis-26,27 u 29 t’Awwissu bejn l-4pm u s-6pm fl-Oratorju, mhux online. Reġistrazzjoni tal-Year 1 u tfal li ser jattendu għall-ewwel darba għandhom jiġu ż-żewġ ġenituri. Mar-reġistrazzjoni ser tintalab donazzjoni ta’ €25 kull familja għall-ispejjeż meħtieġa.
Matul din il-ġimgħa għadda għall-ħajja ta’ dejjem Ġakbu Muscat. Agħtih O Mulej…
Nixtiequ nirringrazzjaw mill-qalb lil kull min qed jagħti s-sehem tiegħu biex norganizzaw il-festa tagħna kemm fil-Knisja u anke fuq barra. Nitolbu li dawn iċ-ċelebrazzjonijiet iħallu ġid spiritawali fil-komunità tagħna. F’isem is-Saċerdoti u l-kunsill pastorali parrokkjali nawguraw lil kulħadd il-festa t-tajba.
