It-Tnejn 29 t’April inbierku d-djar fi Triq Banjijiet Rumani, Skavi u Fdal Puniku.
It-Tlieta 30 t’April inbierku d-djar fi Triq Raddiena, A. Deguara, Staġuni.
Fit-7.45pm issir laqgħa għall-ġenituri tat-tfal li ser jirċievu l-ewwel tqarbina fl-Oratorju. Importanti l-attendenza tal-ġenituri kollha.
L-Erbgħa 1 ta’ Mejju Festa ta’ San Ġużepp Ħaddiem, il-quddies ikun bħal ta’ nhar ta’ xogħol. Filgħodu ser issir attività għall-abbatini, nitilqu minn ħdejn l-iskola fit-8.30am.
L-Uffiċċju Parrokkjali ma jiftaħx.
Il-Ħamis 2 ta’ Mejju wara l-quddiesa ta’ filgħodu ssir l-adorazzjoni organizzata mill-grupp tal-Ħniena Divina. Fid-9am issir il-laqgħa tal-A.K. tan-nisa fl-Oratorju. Filgħaxija inbierku d-djar fi Triq Sir Temi Zammi u l-Anfora.
Fit-8pm issir il-laqgħa għaż-Żgħażagħ 18+ l-Oratorju.
Il-Ġimgħa 3 ta’ Mejju l-ewwel ġimgħa tax-xahar. Filgħodu jsir it-tqarbin tal-morda tal-ewwel grupp.
Infakkru li kull nhar ta’ Ġimgħa jiltaqa’ l-grupp taż-ŻAK għall-adoloxxenti u ż-żgħażagħ, inħeġġuhom biex jattendu. L-Oratorju jkun miftuħ mis-6.30pm sal-10.00pm għal gruppi taż-ŻAK kollha. Dan qegħdin ngħiduh minħabba li kien hemm irrimarka li wara li tispiċċa l-laqgħa ma jistgħux jibqgħu l-Oratorju. Nixtiequ niċċaraw li aħna m’aħniex responsabbli tal-adoloxxenti jew it-tfal meta jkunu barra mill-Oratorju.
Il-Weekend li ġej huwa l-ewwel weekend tax-xahar u għalhekk issir il-ġabra speċjali għall-bżonnijiet tal-Parroċċa. Infakkru fl-iskema tal-benefatturi tax-xahar b’risq il-proġett tas-Sagristija.
