It-Tlieta 10 ta’ Settembru ssir il-laqgħa tal-abbatini fil-5.30pm l-Oratorju.
Il-Ħamis 12 ta’ Settembru wara l-quddiesa ta’ filgħaxija jkun hawn l-adorazzjoni. Filgħaxija l-Quddiesa ssir l-Oratorju mhux fil-Knisja fl-okkażjoni tat-13 tax-xahar.
Il-Ġimgħa 13 ta’ Settembru filgħodu jsir it-tqarbin tal-morda tat-tieni grupp.
Fil-weekend li ġej iż-żgħażagħ taż-ŻAK li twieldu fis-snin 2006-07 ser ikollhom il-Live-In annawali tagħhom.
Infakkru li f’Ottubru li ġej jibda l-Kors ta’ Kana fil-Parroċċa tagħna għall-għarajjes li ser jiżżewġu. Fadal 4 postijiet, dawk interessati jikkuntattjawna l-uffiċċju parrokkjali.
Infakkru fl-iskema tax-xahar għall-proġett tas-sagristija.
Nixtiequ nirringrazzjaw lill-familji li ħallsu l-bieb u 4 twieqi ġodda tas-Sagristija. Għalhekk issa jonqos jinġabru 6 twieqi oħra. Nappellaw għal aktar benefatturi biex inkunu nistgħu nagħlqu dan il-proġett.
Il-Ħadd 15 ta’ Settembru tiġi ċċelebrata ġurnata ta’ talb u għajnuna għall-Art Imqaddsa. Għalhekk il-ġabra tal-weekend li ġej tmur għal dan il-għan.
