
It-Tnejn 14 t’Ottubru filgħaxija jkompli t-tberik tad-djar u l-familji. Ser inbierku Triq Fisher. Il-Quddiesa ta’ filgħaxija ssir l-Oratorju fl-okkkażjoni tat-13 tax-xahar. Fil-Knisja ma jkunx hemm quddiesa.
Fis-7.30pm isiru l-provi tal-Kor Parrokkjali fil-Knisja.
It-Tlieta 15 t’Ottubru nbierku Misraħ l-Assunta u Triq il-Kbira (mill-Knisja sa’ Għelejjel).
L-Erbgħa 16 t’Ottubru fit-3.00pm ssir il-laqgħa tal-anzjani fl-Oratorju.
Fit-7.45pm jibda l-kors ta’ Kana għall-għarajjes fl-Oratorju.
Il-Ħamis 17 t’Ottubru jerġgħu jibdew il-laqgħat tal-Azzjoni Kattolika tan-Nisa. Ser nibdew b’quddiesa l-Manikata, tluq fid-9.00am minn ħdejn l-Oratorju.
Filgħaxija nbierku Triq il-Kbira minn Għelejjel sa ġewwa.
Il-Ġimgħa 18 t’Ottubru wara l-quddiesa ta’ filgħodu jsir it-tqarbin tal-morda tat-tieni u t-tielet grupp.
Is-Sibt 19 t’Ottubru filgħodu l-abbatini jer jattendu għall-festa ta’ San Tarċisju – patrun tagħhom ġewwa l-Mosta.
Fit-3.00pm ser issir laqgħa għall-ministri tat-tqarbin ġewwa l-Oratorju.
Il-Ħadd 20 t’Ottubru niċċelebraw il-ġurnata missjunarja. Il-ġbir fil-quddies imur għall-ħidma missjunarja li ssir madwar id-dinja.
Minn din il-ġimgħa għax-xahar t’Ottubru nhar ta’ Erbgħa, Ġimgħa u s-Sibt nitolbu t-talba tar-rużarju quddiem Ġesu Ewkaristija u wara nirċievu l-barka sagramentali.
Infakkru fl-iskema tal-benefatturi tas-Sagristija.
Il-Grupp tal-Fundraising tal-Parroċċa qed jorganizza Ftira Maltija b’risq il-proġett tas-Sagristija nhar is-Sibt 19 t’Ottubru taħt is-Sagristija. Bookings mingħand il-helpers.
Il-Weekend li tiġi ċċelebrata l-festa tal-Madonna tal-Itria ġewwa Binġemma. Il-Programm tistgħu ssibuh fuq in-noticeboard.
Il-Ġabra speċjali tal-weekend li għadda kienet ta’ €1260. Grazzi tal-għajnuna tagħkom.
Matul din il-ġimgħa għadda għal ħajja ta’ dejjem Pawlu Borg. Agħtih O Mulej…