Matul dan il-weekend niċċelebraw Jum il-karità. Il-ġbir fil-Quddies imur għall-ħidmiet ta’ diversi entitajiet tal-karità fl-Arċidjoċesi.
It-Tnejn 15 t’April inbierku d-djar fi Triq Ġnien id-Dwieli, Ras il-Ġebel, Ħżejjen u Żebbiegħ Heights. Il-Quddiesa ta’ filgħaxija ssir l-Oratorju fl-okkażjoni tat-13 tax-xahar.
It-Tlieta 16 t’April inbierku d-djar fi Triq il-Bidnija, Trump, Skorba, Saqwi.
Filgħaxija fis-7pm ser issir Quddiesa b’suffraġju għal ruħ Dun Willie Vella, saċerdot mill-Parroċċa tagħna li għadda għall-ħajja ta’ dejjem nhar it-Tnejn li għadda. Inħeġġukom tattendu.
L-Erbgħa 17 t’April , fit-3pm issir il-laqgħa għall-anzjani fl-oratorju, filgħaxija issir laqgħa għaż-Żgħażagħ 18+ fit-8pm l-Oratorju.
Il-Ħamis 18 t’April filgħodu fid-9am issir il-laqgħa tal-Azzjoni Kattolika tan-nisa fl-Oratorju.
Filgħaxija jsir it-tberik fi Triq l-Imqades (skorba sa saqwi) u Triq Għajn Tuffieħa.
Wara l-Quddiesa tas-7pm ser ikollna adorazzjoni u talb għall-vokazzjonijiet saċerdotali bis-sehem tal-grupp tal-abbatini. Inħeġġukom tattendu.
Il-Ġimgħa 19 t’April filgħodu jsir it-tqarbin tal-morda tat-tielet grupp.
Nhar it-Tnejn 22 t’April ser issir laqgħa ta’ formazzjoni għall-operaturi pastorali kollha fis-Sala tal-Knisja taż-Żebbiegħ fis-7.30pm.
Nhar is-Sibt 27 t’April ser isir seminar għall-adoloxxenti tal-Griżma u l-ġenituri ġewwa s-Seminarju, r-Rabat. Aktar dettalji joħorġu fil-jiem li ġejjin. Is-Sibt ukoll ser issir Pasta Night ġewwa l-Maħżen tal-Knisja organizzata mill-grupp tal-fundraising tal-Parroċċa. Dettalji tal-bookings fuq il-poster.
Minn ħdejn il-bibien tal-Knisja tistgħu tiġbru kopja tal-flimkien għax-xahar t’April u Mejju.
Nirringrazzjaw mill-qalb lill-Kummissjoni Lejla Mġarrija, l-Kunsill Lokali u l-voluntiera kollha li ħadu sehem fil-Festa Frawli l-Ħadd li għadda. Nhar il-Ħamis wara l-adorazzjoni ser issir bibita l-Kunsill Lokali bħala ringrazzjament għall-voluntiera.
Il-Ġabra speċjali tal-weekend li għadda kienet ta’ €1255. Nirringrazzjawkom mill-qalb tal-għajnuna tagħkom.
