It-Tnejn 20 ta’ Mejju nbierku d-djar fi Triq Xagħra tal-Knisja.

It-Tlieta 21 ta’ Mejju nbierku d-djar fi Triq San Franġisk u San Piju.

L-Erbgħa 22 ta’ Mejju jsiru l-provi tal-Ewwel Tqarbina fil-Knisja Parrokkjali, fil-5pm il-grupp ta’ Ms. Elinor u fis-5.45pm il-grupp ta’ Ms. Josephine.

L-Uffiċċju Parrokkjali jiftaħ bejn l-4.00pm u l-5.00pm.

Fis-7.00pm niċċelebraw il-Festa ta’ Santa Rita bis-sehem tal-grupp tal-Azzjoni Kattolika tan-Nisa u nistiednu b’mod speċjali dawk li jisimhom għal din il-qaddisa.

Il-Ħamis 23 ta’ Mejju nbierku d-djar fi Triq Għelejjel u Vitale.

Bejn is-6.30pm u s-7.30pm ser ikun hawn saċerdoti disponibbli għall-qrar fil-Knisja Parrokkjali għall-familjari u t-tfal li ser jirċievu l-Ewwel tqarbina.

Fit-8.00pm issir il-laqgħa  għaż-Żgħażagħ 18+ fl-Oratorju. Inħeġġukom tattendu.

Il-Ġimgħa 24 ta’ Mejju L-Uffiċċju Parrokkjali ma jiftaħx.

Il-Ġimgħa 24 u s-Sibt 25 ta’ Mejju ser tiġi ċċelebrata l-Ewwel Tqarbina fil-Parroċċa tagħna. Fis-6.00pm it-tfal jinġabru l-Oratorju biex jimxu Purċissjoni sal-Knisja. Fis-6.30pm tibda ċ-ċelebrazzjoni tal-Quddiesa.

Is-Sibt 25 ta’ Mejju fil-5.15pm ikun hawn Quddiesa fil-Knisja Parrokkjali minflok dik tas-7.00pm.

Il-Grupp tal-fundraising tal-Parroċċa qed jorganizza High Tea għal kulħadd fl-okkażjoni ta’ Jum l-Omm nhar il-Ħadd 19 ta’ Mejju fit-3.00pm fil-Maħżen tal-Knisja. Bookings minn ħdejn il-bibien tal-Knisja.

Il-Ħamis 30 ta’ Mejju l-A.K tan-nisa qed jorganizzaw ħarġa fl-okkażjoni tal-Festa ta’ Santa Rita li tinkludi Quddiesa fis-Santwarju tal-Madonna tal-Mellieħa u wara breakfast flimkien ġewwa lukanda. Tluq fid-9.00am minn ħdejn l-iskola u l-bookings isiru mal-membri tal-Azzjoni sas-27 ta’ Mejju.

Il-Ġimgħa 31 ta’ Mejju iż-ŻAK ser jorganizzaw Ċelebrazzjoni ħdejn id-Dar Parrokkjali fi tmiem ix-xahar ta’ Mejju, xahar ddedikat lil Ommna Marija. Fis-7.30pm Quddiesa u wara ċelebrazzjoni Marjana. Kulħadd mistieden. Dakinhar ma ssirx il-quddiesa ta’ filgħaxija fil-Knisja Parrokkjali.

Is-Sibt 1 ta’ Ġunju fit-8.00pml-Kummissjoni Familja qed torganizza laqgħa għall-familji fl-Oratorju mmexxija mill-psikoterapista Rosette Said Sarreo bit-tema t-Teknoloġija u l-Familja. Wara ser ikun hemm mument soċjali fejn nieklu pizza flimkien. Dettalji biex tibbukkjaw għall-ikel minn fuq il-poster. Ikun hemm min jieħu ħsieb it-tfal. Inħeġġukom tattendu.

Il-Ħadd 2 ta’ Ġunju niċċelebraw il-Festa ta’ Corpus Christi, fil-5.00pm tiġi ċċelebrata Quddiesa u wara toħroġ Purċissjoni b’Ġesu Ewkaristija bis-sehem tat-tfal li rċivew l-Ewwel Tqarbina, l-fratelli u l-abbatini.  

Infakkru fl-iskema tal-benefatturi tax-xahar b’risq il-proġett tas-Sagristija.