
Matul dan il-weekend niċċelebraw il-ġurnata Missjunarja. Il-ġbir fil-quddies imur għall-ħidma missjunarja li ssir madwar id-dinja.
Fil-Kappella ta’ Binġemma qed tiġi ċċelebrata l-festa tal-Madonna tal-Itria. Programm issibuh fin-noticeboard.
It-Tnejn 21 t’Ottubru filgħaxija nbierku Triq Konkorsi Teatrali u Triq Ganni Cilia.
Fis-7.30pm isiru l-provi tal-Kor Parrokkjali.
It-Tlieta 22 t’Ottubru nbierku Triq Ħaġrat u Triq San Pietru (minn Ħaġrat sa San Pawl).
Fil-5.3opm issir il-laqgħa tal-abbatini fl-Oratorju.
L-Erbgħa 23 t’Ottubru fis-7.15pm issir it-tieni laqgħa tal-kors ta’ Kana fl-Oratorju.
Il-Ħamis 24 t’Ottubru fid-9.00am issir il-laqgħa tal-A.K tan-nisa fl-Oratorju.
Filgħaxija nbierku Triq San Pietru (San Pawl sat-tarf).
Fit-8.00pm issir il-laqgħa taż-żgħażagħ 20+ fl-Oratorju.
Il-Ġimgħa 25 t’Ottubru fil-5.15pm issir adorazzjoni fiż-Żebbiegħ.
Il-weekend li ġej jinbidel il-ħin għal dak tax-xitwa, għalhekk il-ħin tal-quddies ta’ filgħaxija mit-Tnejn sas-Sibt ikun fis-6.30pm. Fiż-Żebbiegħ nhar ta’ Tlieta u Ġimgħa tkun fis-6.00pm.
Kull xahar ser tibda tiġi organizzata Lectio Divina fejn nieħdu silta mill-kelma t’Alla u nirriflettu fuqha bl-għajnuna ta’ Fr Sinclair Bugeja. Hija opportunità għal kulħadd biex permezz ta’ dan il-mument nersqu aktar qrib tal-Kelma t’Alla. L-ewwel waħda ser tkun il-Ħamis 31 t’Ottubru fis-7.00pm l-Oratorju. Kulħadd mistieden.
Nhar il-Ġimgħa l-1 ta’ Novembru festa tal-Qaddisin kollha ser issir quddiesa fl-4.00p.m għat-tfal kollha. Inħeġġuhom biex min jixtieq jilbes ta’ xi qaddis. Wara ser isir festin taħt is-sagristija. Għall-bookings tistgħu taraw id-dettalji mill-facebook jew tiġbru l-formola mingħand il-katekisti.
Is-Sibt 2 ta’ Novembru issir Pasta Night fl-Oratorju għall-bżonnijiet tal-Oratorju. Dettalji tal-bookings fuq il-poster.
Infakkru fl-iskema tal-benefatturi tas-Sagristija.
Ser jerġa jingħaqad il-kor tat-tfal biex ikanta qabel il-quddiesa ta’ nofsillejl. Inħeġġuhom jieħdu sehem. Dawk interessati jkellmu lil Fr Sean.
Kif wieħed jista’ jara, fuq wara tal-Knisja hemm żewġ twieqi mit-tmienja li hemm fil-lanterna. Dawn tniżżlu kollha għaliex qegħdin fi stat ħażin u għandhom bżonn ta’ manutenzjoni urġenti. Ma’ dan hemm xogħol ieħor ta’ manutenzjoni li jrid isir: bħall-bdil tas-sellum li saddad u manutenzjoni tal-ħsarat fil-ġebel. Nirringrazzjaw lill-voluntiera li qed jaħdmu fuq dan il-proġett. Kull donazzjoni tkun ferm apprezzata.
Il-Kummissjoni Familja qed torganizza laqgħat fit-8 u l-15 ta’ Novembru fis-7.30pm iż-Żebbiegħ, dwar x’inhi l-ansjetà u kif tista’ tegħlibha mill-psikoterapsita Rosette Said Sarreo.
Matul din il-ġimgħa għadda għal ħajja ta’ dejjem Leli Zarb. Agħtih O Mulej…