Hekk kif qed nagħtu bidu għaċ-ċelebrazzjonijiet tal-festa, ejjew nitolbu li din tħalli fina ġid spiritwali u li l-ħarsa tagħna tkun fuq dak li tixtieq minna Marija Assunta.

Matul dan il-weekend issir il-ġabra speċjali għall-bżonnijiet tal-Parroċċa.

Għada/Illum il-Ħadd, t-tieni jum tal-Kwindiċina fl-10.30am niċċelebraw quddiesa li għaliha huma mistiedna l-għaqdiet tar-raħal u l-membri tas-soċjetà ċivili. Fis-6.00pm ser jittella xow tal-karozzi fuq iz-zuntier tal-Knisja parti mill-attivitajiet tal-Lejla Mġarrija.

It-Tnejn 5 t’Awwissu fit-Tielet Jum tal-Kwindiċina ser niċċelebraw is-60 sena mit-twaqqif tal-Kor Parrokkjali Regina Coeli. Fis-7.00pm Quddiesa animata mill-Kor u wara ssir serata kommemorattiva. Kulħadd huwa mistieden, b’mod speċjali dawk kollha li kienu membri f’dan il-kor matul dawn is-60 sena.

It-Tlieta 6 t’Awwissu r-Raba jum tal-kwindiċina, Jum il-voluntiera, l-fratelli u l-organizzaturi tal-festa. Fis-6.00pm ikun hawn Ġesu Sagramentat espost għat-talb fis-skiet filwaqt li jkun hawn saċerdoti disponibbli għall-qrar, wara quddiesa u t-talb tal-kwindiċina.

Fit-8.00pm ser isir BBQ l-Oratorju għall-abbatini u l-familjari tagħhom.

L-Erbgħa 7 t’Awwissu l-Ħames jum tal-kwindiċina, Jum it-tfal. Fis-6.00pm dimostrazzjoni bl-istatwa tat-tfal mill-oratorju bis-sehem tal-banda sal-Knisja Parrokkjali. Fis-7pm Quddiesa mmexxija minn Fr Bernard Micallef u wara water games fuq iz-Zuntier. Inħeġġu lit-tfal biex jipparteċipaw.

Il-Ħamis 8 t’Awwissu s-sitt jum tal-kwindiċina, niftakru fl-għeżież tagħna li għaddew għall-ħajja ta’ dejjem fl-aħħar sena. Fis-7pm quddiesa  mmexxija minn Patri Edward Zammit OFM. Mistiedna speċjali l-familjari ta’ dawk li għaddew għal ħajja ta’ dejjem. Inħeġġuhom iġibu santa jew ritratt żgħir biex jitwaħħal fuq board quddiem l-artal sa lejliet jew mhux aktar tard minn nofsiegħa qabel il-quddiesa. Wara jsir it-talb tal-kwindiċina.

Il-Ġimgħa 9 t’Awwissu filgħodu jsir it-tqarbin tal-morda tat-tieni grupp. Dakinhar huwa s-seba jum tal-kwindiċina, fit-8.00pm quddiesa li għaliha mistiedna ż-żgħażagħ u l-adoloxxenti kollha. Iqaddes Patri Jethro Bajada OFM CAP u janima Gianluca Bezzina. Wara jkun hemm attività għaż-żgħażagħ fuq il-bejt tal-kunsill lokali. Il-Quddiesa tas-7.00pm ma ssirx.

Is-Sibt 10 t’Awwissu it-tmin jum tal-kwindiċina, fis-7.00pm quddiesa għall-familji kollha b’mod speċjali dawk li żżewġu din is-sena jew qed jagħlqu l-25 u l-50 anniversarju miż-żwieġ tagħhom.  Fil-quddies jġeddu l-wegħdiet taż-żwieġ tagħhom. Fit-8.30pm issir l-ikla tal-festa fuq iz-zuntier. Boookings mingħand il-helpers.

Il-Ħadd 11 t’Awwissu id-disa jum tal-kwindiċina, Jum il-Ħajja. Fl-10.30am quddiesa li fiha jiġi ċċelebrat is-sagrament tal-magħmudija.

Dawk li jixtiequ jagħmlu l-bukkett tal-fjuri quddiem l-istatwa ta’ Santa Marija fil-festa jistgħu jkellmu lil Marija Micallef jew xi ħadd mis-saċerdoti fis-sagristija.

Bukketti li ma jinxfux: Min jixtieq jagħmel l-offerta tiegħu fil-festa, bukkett li ma jinxifx, b’risq il-proġetti tas-Sagristija u l-manutenzjoni urġenti tal-lanterna tal-koppla, wieħed għandu javviċina lis-saċerdoti. Kull għotja hija ferm apprezzata.

Infakkru fl-iskema tal-benefatturi tax-xahar b’risq il-proġett tas-Sagristija. 

Matul din il-ġimgħa ser jitqassam fid-djar, Dawl il-Punent flimkien ma’ envelope għall-ispejjeż tal-festa. L-envelopes mhux se jinġabru mid-djar, allura min jixtieq jikkontribwixxi nitolbuh iġibu l-knisja. Nitolbu lid-distributuri jiġbru l-kopji mis-sagristija. Grazzi tal-għajnuna tagħkom. Nieħdu l-opportunità biex nirringrazzjaw lil dawk kollha li qed jgħinu f’dan iż-żmien biex tiġi organizzata l-festa parrokkjali tagħna.