Illum/Għada tiġi ċċelebrata ġurnata ta’ talb u għajnuna għall-Art Imqaddsa. Għalhekk il-ġabra tal-weekend tmur għal dan il-għan.

It-Tlieta 17 ta’ Settembru fit-8.30am ser isir il-ħasil tal-Oratorju bi preparazzjoni għall-bidu tas-sena kateketika. Ikun apprezzat ħafna min jista’ jagħti daqqa t’id.

Il-Ħamis 19 ta’ Settembru wara l-quddiesa ta’ filgħaxija jkun hawn l-adorazzjoni.

Infakkru fl-iskema tax-xahar għall-proġett tas-sagristija u rigward il-proġett tat-twieqi tas-Sagristija, s’issa inġabru 6 u għalhekk jonqos 4 oħra. Grazzi tal-ġenerożità tagħkom.

Il-Katekeżi għas-sena l-ġdida tibda t-tieni ġimgħa t’Ottubru. Jekk hemm min għadu ma rreġistrax it-tfal, għandu jagħmel dan mill-aktar fis fil-ħinijiet tal-ftuħ tal-uffiċċju parrokkjali.

Nhar il-Ħadd 29 ta’ Settembru fil-Quddiesa tal-10.30am jingħata l-mandat lill-Katekisti u nħeġġu lit-tfal iġibu l-basket tal-iskola biex inberkuh. Wara jkollna Open Day fl-Oratroju u nbierku l-klassijiet.

Nitolbu d-distributuri biex jiġbru l-fuljetti taż-Żjajjar tal-Madonna biex jitqassmu fid-djar.

Il-Kummissjoni Lejla Mġarrija tavża li d-dħul mill-attività ta’ Triq ir-Ramlija kien ta’ €4202.54.

Il-Ġabra speċjali tal-ewwel weekend tax-xahar kienet ta’ €965. Grazzi tal-ġenerożità tagħkom.

Matul din il-ġimgħa għaddew għal ħajja ta’ dejjem Maria Aguis u Jimmy Galea. Agħtihom O Mulej…