It-Tnejn 27 ta’ Mejju nbierku d-djar fi Triq Dun Ġużepp Micallef. Wara l-Quddiesa jsiru l-provi tal-Kor Parrokkjali.
It-Tlieta 28 ta’ Mejju nbierku d-djar fi Triq San Filippu.
Il-Ħamis 30 ta’ Mejju nbierku d-djar fi Triq San Pawl. Dakinhar huwa l-aħħar jum tat-tberik. Jekk hemm xi ħadd li ġejna nbierku fit-triq tiegħu, u ma setax għal xi raġuni jew oħra u jixtieq ibierek, jista’ jkellem lil xi ħadd mis-saċerdoti jew iċempel l-Uffiċċju Parrokkjali. Aktar tard matul is-sena nkomplu bit-tberik.
Il-Ħamis ukolll-A.K tan-nisa qed jorganizzaw ħarġa fl-okkażjoni tal-Festa ta’ Santa Rita li tinkludi Quddiesa fis-Santwarju tal-Madonna tal-Mellieħa u wara breakfast flimkien ġewwa lukanda. Tluq fid-9.00am minn ħdejn l-iskola u l-bookings isiru mal-membri tal-Azzjoni sas-27 ta’ Mejju.
Il-Ġimgħa 31 ta’ Mejju iż-ŻAK ser jorganizzaw Ċelebrazzjoni ħdejn id-Dar Parrokkjali fi tmiem ix-xahar iddedikat lil Ommna Marija. Fis-7.30pm Quddiesa u wara ċelebrazzjoni Marjana. Kulħadd huwa mistieden jattendi. Dakinhar ma ssirx il-quddiesa ta’ filgħaxija fil-Knisja Parrokkjali.
Is-Sibt 1 ta’ Ġunju fit-8.00pml-Kummissjoni Familja qed torganizza laqgħa għall-familji fl-Oratorju mmexxija mill-psikoterapista Rosette Said Sarreo bit-tema t-Teknoloġija u l-Familja. Wara ser ikun hemm mument soċjali fejn nieklu pizza flimkien. Dettalji biex tibbukkjaw għall-ikel minn fuq il-poster. Ikun hemm min jieħu ħsieb it-tfal. Inħeġġukom tattendu.
Il-Ħadd 2 ta’ Ġunju niċċelebraw il-Festa ta’ Corpus Christi, fl-4.00pm issir Adorazzjoni, fil-5.00pm tiġi ċċelebrata Quddiesa u wara toħroġ Purċissjoni b’Ġesu Ewkaristija bis-sehem tat-tfal li rċivew l-Ewwel Tqarbina, l-fratelli u l-abbatini.
Il-Ħadd li ġej huwa l-ewwel weekend tax-xahar u għalhekk issir il-ġabra speċjali għall-bżonnijiet tal-Parroċċa.
Minn Lulju li ġej ser isiru żewġ korsijiet għat-tfal fl-Oratorju: tal-Arkett nhar ta’ tnejn u tal-ħjata nhar ta’ Tlieta. Nhar ta’ Erbgha ser norganizzaw Klabb Sajf mill-5.00pm sas-6.45pm u wara morru ghall-quddiesa ghat-tfal. Dan jinkludi Tisjir, crafts u loghob. Aktar dettalji fuq il-paġna tal-facebook. Il-ġenituri tat-tfal għandhom jiktbuhom għal-liema kors jixtiequ u l-klabb sajf billi jimlew il-formola uffiċċjali tal-Arċidjoċesi fl-Uffiċċju Parrokkjali flimkien mad-donazzjoni, sal-ewwel ġimgħa ta’ Ġunju.
Infakkru fl-iskema tal-benefatturi tax-xahar b’risq il-proġett tas-Sagristija.
F’isem il-Kummissjoni Lejla Mġarrija qed ngħaddu r-rendikont ta’ Festa Frawli 2024:
Dħul €121,403.77
Ħruġ €73,261.84
VAT imħallsa €4,529.68
Taxxa imħallsa €10,463.51
Qliegħ finali: €33,148.74
Nirringrazzaw mill-qalb lil kull min ta s-sehem tiegħu: l-membri tal-kummissjoni, l-Kunsill Lokali u l-voluntiera kollha, biex inkomplu ngħinu fit-twettiq tal-proġett tal-bini tas-Sagristija.
Matul din il-ġimgħa għadda għall-ħajja ta’ dejjem Pinu Farrugia. Agħtih O Mulej…
