Dan huwa l-ewwel weekend tax-xahar u għalhekk issir il-ġabra speċjali għall-bżonnijiet tal-Parroċċa.
It-Tnejn 6 ta’ Mejju inbierku d-djar fi Triq il-Plejju, Alwiża u il-Lellux.
It-Tlieta 7 ta’ Mejju inbierku d-djar fi Triq il-Ħarruba u l-Amaroz.
Fit-7.45pm issir laqgħa għall-ġenituri u l-parrini tal-adoloxxenti li ser jagħmlu l-Griżma tal-Isqof fl-Oratorju.
L-Erbgħa 8 ta’ Mejju Festa tal-Madonna ta’ Pompei, fil-Quddiesa ta’ filgħodu u filgħaxiija isir ħsieb Marjan. Fit-8.00pm Laqgħa taż-Żgħażagħ 18+ maż-ŻAK tas-Siġġiewi ġewwa s-Siġġiewi. Aktar dettalji mingħand il-membri taż-ŻAK.
Il-Ħamis 9 ta’ Mejju fid-9am issir il-laqgħa tal-A.K. tan-nisa fl-Oratorju. Filgħaxija inbierku d-djar fi Triq Spika u Karamelli.
Fl-okkażjoni tal-Festa ta’ San Ġorġ Preca fis-7.00pm issir Quddiesa għat-tfal u l-familji kollha. Nħeġġukom tattendu.
Il-Ġimgħa 10 ta’ Mejju Filgħodu jsir it-tqarbin tal-morda tat-tieni grupp.
Fil-5.00pm isiru l-provi għall-adoloxxenti tal-Griżma fil-Knisja għall-grupp tal-Ġimgħa 17 u fis-5.45pm il-provi għall-grupp tas-Sibt 18.
Fl-okkażjoni ta’ Jum l-Omm ser isir Rużarju fis-6.30pm u Quddiesa fis-7.00pm ġewwa ċ-Ċimiterju. Il-Quddies ta’ filgħaxija fil-Knisja Parrokkjali u ż-Żebbiegħ ma ssirx.
Is-Sibt u l-Ħadd li ġej ser ikun hawn bejgħ ta’ pjanti u rigali minn ħdejn il-Knisja fl-okkażjoni ta’ Jum l-Omm.
Il-Grupp tal-fundraising tal-Parroċċa qed jorganizza High Tea għan-nisa kollha fl-okkażjoni ta’ Jum l-Omm nhar il-Ħadd 19 ta’ Mejju fit-3.00pm fil-Maħżen tal-Knisja.
Infakkru fl-iskema tal-benefatturi tax-xahar b’risq il-proġett tas-Sagristija.
