Matul dan l-ewwel weekend tax-xahar issir il-ġabra speċjali għall-bżonnijiet u l-ħidma tal-Parroċċa.
It-Tnejn 6 ta’ Novembru fl-4.15pm issir it-talba tar-Rużarju u fl-4.30pm Quddiesa fiċ-Ċimiterju. Il-Quddiesa ta’ filgħaxija fil-Knisja Parrokkjali ssir ukoll.
Il-Ħamis 9 ta’ Novembru – Filgħodu wara l-Quddiesa jkun hawn adorazzjoni organizzata mill-Grupp tal-Ħniena Divina. Filgħaxija wara l-Quddiesa wkoll, ikollna wkoll mument ta’ adorazzjoni quddiem Ġesu Ewkaristija.
Mill-Ħamis tkompli b’mod normali l-katekeżi għat-tfal fl-Oratorju, u s-Sibt ikun hemm il-Quddiesa fis-5.45pm.
Is-Sibt 11 ta’ Novembru – Fis-6.00pm issir Quddiesa u Adorazzjoni għall-Vokazzjonijiet fis-Seminarju tal-Virtu. Ningħaqdu magħhom fit-talb.
Il-Ħadd 12 ta’ Novembru – Nistiednu t-tfal u l-familji tagħhom għall-Quddiesa tal-10.30am fejn ser niċċelebraw lil San Martin. Inħeġġu lit-tfal iġibu l-borża ta’ San Martin biex inberkuha u wara nagħtuhom tifkira żgħira wkoll.
Avviżi Oħra:
Matul dan il-weekend qed isir bejgħ ta’ pjanti fejn il-Knisja u ċ-ċimiterju b’risq il-Parroċċa.
Bejn is-17 u 19 ta’ Novembru ser isir irtir: Route 23, għal żgħażagħ 18+ ġewwa Għawdex. Dawk interessati jinfurmawna mill-aktar fis.
Nhar il-Ġimgħa 24 ta’ Novembru l-grupp taż-ŻAK ser jattendi għall-attività Encounter organizzata mill-MCYN. Dawk li jixtiequ jattendu jimlew il-formola online minn fuq il-facebook page taż-ŻAK.
Infakkru fl-iskema ta’ Benefatturi għas-sagristija. Nirringrazzjawkom dejjem tas-sostenn kontinwu tagħkom.
Ħdejn il-bibien tal-Knisja hemm il-fuljett flimkien ta’ Novembru, inħeġġukom biex tieħdu kopja.
Matul din il-ġimgħa tajna l-aħħar tislima lil Rożarja Said. Agħtiha O Mulej…
