Għada/illum niċċelebraw il-Festa tal-Madonna tar-Rużarju. Fil-5pm Quddiesa u wara Purċissjoni bl-istatwa tal-Madonna li tgħaddi minn Triq Mons Oraz Vella, Vitale, San Pawl, Santa Marija, Fisher u Misraħ l-Assunta fejn nitolbu t-talba tar-Rużarju. Dan il-weekend issir il-ġabra speċjali għall-bżonnijiet tal-Parroċċa.
It-Tnejn 7 t’Ottubru festa tal-Madonna tar-Rużarju, l-Papa Franġisku qed iħeġġiġna biex nagħmlu ġurnata sawm għall-bżonnijiet tal-paċi fid-dinja. Inħeġġu li min ma jistax isum jagħmel forom ta’ penitenzi oħra.
It-Tlieta 8 t’Ottubru fil-5.30pm issir il-laqgħa tal-abbatini l-Oratorju.
Il-Ħamis 10 t’Ottubru tibda l-katekeżi għall-Year 1 fil-4.45pm u Year 2 fl-4.30pm ġewwa l-Oratorju. Filgħaxija ssir il-laqgħa għaż-żgħażagħ 20+ ġewwa l-Oratorju. Inħeġġu ż-żgħażagħ biex jattendu għal dawn il-laqgħat ta’ formazzjoni darbtejn f’xahar.
Il-Ġimgħa 11 t’Ottubru tibda l-katekeżi għas-sena tal-Griżma fil-5pm. L-Oratorju jiftaħ fl-4.30pm. Il-Ġimgħa wkoll jerġgħu jibdew jiltaqgħu l-adoloxxenti taż-ŻAK minn dawk li għamlu l-Griżma sa dawk ta’ 19 –il sena. Fis-6.45pm jiltaqgħu dawk li twieldu mill-2010-2012 u fit-7.45pm dawk li twieldu mill-2005-2009. L-Oratorju jibqa miftuħ għal ħin ta’ rikreazzjoni sal-10pm. Inħeġġuhom biex jattendu.
Matul din il-ġimgħa Fr Sean ser ikun għall-irtir għalhekk it-tqarbin tal-morda tal-ġimgħa filgħodu jsir il-ġimgħa ta’ wara.
Infakkru li nhar ta’ Ħadd il-quddiesa tal-10.30am tkun iddedikata għall-familji u t-tfal.
Mit-Tnejn 14 t’Ottubru jkompli t-tberik tad-djar u l-familji. Il-Programm tistgħu ssibuh online jew man-noticeboards.
L-Erbgħa 16 t’Ottubru jibda l-kors ta’ Kana l-Oratorju fit-7.45pm.
Fil-bidu ta’ xahar ġdid, infakkru fl-iskema tal-benefatturi tas-Sagristija.
Il-Proġett tal-aperturi l-ġodda tas-Sagristija issa huwa magħluq. Grazzi mill-qalb lill-familiji u ndividwi li taw il-kontribut tagħhom.
Man-noticeboards tal-knisja tistgħu ssibu r-rendikont dettaljat tal-festa ta’ Santa Marija li għaddiet. Apparti l-Offerta tal-vara kienet ta’ €40,200, id-dħul mill-festa kien ta’ €19,890 u l-ħruġ ta’ €23,218.28. Għalhekk hemm żbilanċ ta’ €3, 328.28.
Nieħdu l-opportunità biex nirringrazzjaw lill-grupp Marjan, l-helpers u l-kunsill lokali biex ġew organizzati ż-żjajjar tal-Madonna fiż-żoni tar-raħal tagħna matul il-ġimgħa li għaddiet.
Il-Grupp tal-Fundraising tal-Parroċċa qed jorganizza Ftira Maltija b’risq il-proġett tas-Sagristija nhar is-Sibt 19 t’Ottubru taħt is-Sagristija. Bookings mingħand il-helpers.
Matul din il-ġimgħa għaddew għal ħajja ta’ dejjem Joseph Bonnici u Angelo Vella. Agħtihom O Mulej…
