Matul din il-ġimgħa nkomplu niċċelebraw il-festa parrokkjali b’dan il-programm: Għada/Illum il-Ħadd, 9 Jum tal-Kwindiċina, Jum il-Ħajja fl-10.30am quddiesa li fiha jiġi ċċelebrat is-sagrament tal-magħmudija.

It-Tnejn 12 t’Awwissu 10 Jum tal-Kwindiċina. Fis-7pm Quddiesa li għaliha huma mistiedna l-emigranti u l-barranin li jinsabu fil-Parroċċa tagħna.

We would like to invite all emigrants and foreigners living in our Parish for a celebration of the Eucharist next Monday at 7pm  on the occasion of the feast of the assumption of our lady into heaven.

It-Tlieta 13 t’Awwissu fis-7pm Quddiesa u wara preżentazzjoni tat-trabi lil Santa Marija.

L-Erbgħa 14 t’Awwissu l-ewwel jum tat-tridu – Jum l-Operaturi Pastorali. Fis-7pm quddiesa mmexxija minn Fr Jimmy Bonnici u jipprietka Fr Gylan Camilleri. Mistiedna speċjali dawk kollha li huma nvoluti fil-ħidma tal-Parroċċa.

L-Erbgħa fid-9am ser isir il-ħasil tal-Knisja kollha. Inħeġġu voluntiera ġodda biex jagħtu daqqa t’id lill-grupp tat-tindif. L-Uffiċċju Parrokkjali jiftaħ bejn l-4pm u l-5pm.

Il-Ħamis 15 t’Awwissu l-Għid tal-Assunta. Quddies bħal ta’ nhar ta’ Ħadd. Iż-Żebbiegħ ikun waħda fis-7.30am u tal-11.30am mhux se ssir.  Ser jerġa jiġi organizzat il-pellegrinaġġ tal-muturi bejn il-Parroċċa tagħna u ta’ Ħad-Dingli. Fl-9.45am jsir it-tberik u talba fuq iz-Zuntier u wara jibda l-pellegrinaġġ. Din is-sena ser niġbru għal Puttinu Cares. Filgħodu jkun hawn il-moblie blood donation unit mal-ġenb tal-Knisja.

Il-Ġimgħa 16 t’Awwissu it-tielet Jum tat-tridu – Jum is-Saċerdoti u l-erwieħ ikkonsagrati. Fis-7pm quddiesa mmexxija minn Fr Sean Abela u jipprieta Fr Gylan Camilleri. Mistednin l-abbatini u l-familjari tagħhom. Dakinhar issir ukoll il-vestizzjoni ta’ 7 abbatini ġodda. L-uffiċċju parrokkjali jiftaħ bejn l-4pm u l-5pm.  

Is-Sibt 17 t’Awwissu Lejliet il-Festa. Fid-9.30am Quddiesa ta’ ringrazzjament lil Alla bil-kant tat-Te Deum, li għaliha huma mistiedna speċjali l-anzjani u l-morda. Fil-Quddiesa jiġi amministrat is-Sagrament tal-Griżma tal-Morda. Jiċċelebra Fr Mario Said. Il-Quddiesa tas-7.30am ma ssirx.

Fis-6.45pm Tibda t-translazzjoni bir-relikwa tal-Madonna mill-altar tar-Rużarju sal-altar prinċipali u nitolbu l-ewwel Għasar, segwit mill-Quddiesa. Jiċċelebra Mons Alfred Vella fl-okkażjoni tal-40 anniversarju saċerdotali tagħhom. Fid-9pm jittella’ programm mużikali mis-Soċjetà Filarmonika Marija Mtellgħa s-Sema tal-Imġarr fuq iz-Zuntier tal-Knisja, jkun hemm ħruq tal-logħob tan-nar tal-ajru u tal-art. Aktar dettalji fil-programm.

Il-Ħadd 18 t’Awwissu – Jum il-Festa tal-Assunta. Fil-5.30am u fis-7pm quddies lett. Fid-9am Quddiesa Solenni tal-Festa immexxija minn Fr Noel Vassallo u jipprietka Mons Alfred Vella fl-okkażjoni tal-40 anniversarju saċerdotali tagħhom.

Fil-11am Quddiesa u fl-12pm nitolbu t-talba tal-anġelus mal-ġenb tal-Knisja u ssir l-offerta għall-irfigħ tal-vara.

Fil-5.30pm Quddiesa li fiha nitolbu t-tieni għasar, mmexxija minn Fr Karl Andrew Schembri.

Fis-7pm tibda ħierġa l-Purċissjoni bil-vara ta’ Santa Marija. Wara d-dħul tal-Purċissjoni fl-10.30pm tingħata l-barka sagramentali.

Dawk li jixtiequ jagħmlu l-bukkett tal-fjuri quddiem l-istatwa ta’ Santa Marija fil-festa jistgħu jkellmu mill-aktar fis lil Marija Micallef jew xi ħadd mis-saċerdoti fis-sagristija.

Bukketti li ma jinxfux: Min jixtieq jagħmel l-offerta tiegħu fil-festa, bukkett li ma jinxifx, b’risq il-proġetti tas-Sagristija u l-manutenzjoni urġenti tal-lanterna tal-koppla, wieħed għandu javviċina lis-saċerdoti. Kull għotja hija ferm apprezzata.

Infakkru fl-iskema tal-benefatturi tax-xahar b’risq il-proġett tas-Sagristija. 

Tqassam l-envelope għall-ispejjeż tal-festa fid-djar tagħna. L-envelopes mhux se jinġabru mid-djar, allura min jixtieq jikkontribwixxi nitolbuh iġibu l-knisja. Grazzi tal-għajnuna tagħkom.

Il-ġabra speċjali tal-weekend li għadda kienet ta’ €1590. Grazzi tal-ġenerożità tagħkom.

Matul din il-ġimgħa għadda għall-ħajja ta’ dejjem Joseph Ambrose Falzon. Agħtih O Mulej…

L-isbaħ u l-akbar ħaġa li biha nistgħu nħejju ruħna tajjeb għall-festa tagħna hija li nersqu għas-sagramenti. Li nagħmlu qrara u tqarbina tajba. Ejjew inżommu dan quddiemna biex verament nagħmlu ċelebrazzjonijiet li jixirqu lil ommna Marija. Il-Festa t-tajba lil kulħadd.