Bejn is-Sibt u l-Ħadd jinbidel il-ħin għal dak tax-xitwa, għalhekk il-ħin tal-quddies ta’ filgħaxija mit-Tnejn sas-Sibt ikun fis-6.30pm. Fiż-Żebbiegħ nhar ta’ Tlieta u Ġimgħa tkun fis-6.00pm.

It-Tnejn 28 t’Ottubru nbierku Triq Santa Marija (minn San Pietru sa San Filippu).

It-Tlieta 29 t’Ottubru nbierku Triq Santa Marija (minn San Filippu sa Ħaġrat).

L-Erbgħa 30 t’Ottubru fis-7.15pm issir it-tielet laqgħa tal-kors ta’ Kana fl-Oratorju.

Il-Ħamis 31 t’Ottubru fid-9.00am issir il-laqgħa tal-A.K tan-nisa fl-Oratorju.

Filgħaxija nbierku Triq Sir Harry Luke (min-naħa Ta’ Mrejnu sa San Filippu).

Fis-7.00pm Lectio Divina għal kulħadd ġewwa l-Oratorju mmexxija minn Fr. Sinclair Bugeja.

Il-Ġimgħa 1 ta’ Novembru – Festa tal-Qaddisin kollha u l-ewwel ġimgħa tax-xahar

Filgħodu jsir it-tqarbin tal-morda tal-ewwel grupp.

Fl-4.00pm ser issir quddiesa għat-tfal kollha. Inħeġġuhom biex min jixtieq jilbes ta’ xi qaddis. Wara ser isir festin taħt is-sagristija. Għall-bookings tistgħu taraw id-dettalji mill-facebook jew tiġbru l-formola mingħand il-katekisti.

Fis-6.30pm Quddiesa animata mill-Kor Parrokkjali.

L-Uffiċċju Parrokkjali ma jiftaħx.

Is-Sibt 2 ta’ Novembru – Għid tal-Imwiet

Il-Quddies fil-Knisja Parrokkjali jkun fis-7.00am u fis-7.30am u fis-6.30pm li tkun animata mill-Kor Parrokkjali.

Fit-8.00pm issir Pasta Night fl-Oratorju għall-bżonnijiet tal-Oratorju. Dettalji tal-bookings fuq il-poster.

It-Tberik taċ-ċimiterju ser isir it-Tnejn 4 ta’ Novembru. Fl-3.45pm rużarju u fl-4.00pm Quddiesa.

Il-Ħadd 3 ta’ Novembru ser issir fiera ġewwa ż-Żebbiegħ.

Ser jerġa jingħaqad il-kor tat-tfal biex ikanta qabel il-quddiesa ta’ nofsillejl. Inħeġġuhom jieħdu sehem. Dawk interessati jkellmu lill-Kappillan mill-aktar fis.

Il-Kummissjoni Familja qed torganizza żewġ laqgħat fit-8 u l-15 ta’ Novembru fis-7.30pm iż-Żebbiegħ, dwar x’inhi l-ansjetà u kif tista’ tegħlibha immexxija mill-psikoterapsita Rosette Said Sarreo.

Matul il-weekend li ġej ser ikun hemm bejgħ ta’ pjanti u fjuri ħdejn iċ-ċimiterju u l-knisja għall-bżonnijiet tal-Parroċċa. Issir ukoll il-ġabra speċjali għall-bżonnijiet tal-Parroċċa. Infakkru fl-iskema tal-benefatturi tas-Sagristija.

Ser nibdew niktbu l-intenzjonijiet għall-quddies għas-sena li ġejja. Infakkru li intenzjoni waħda kull quddiesa barra nhar ta’ Erbgħa u Sibt. Tistgħu tiktbu l-intenzjonijiet tagħkom mal-Kappillan u Fr Noel.

Il-ġabra tal-ġurnata missjunarja mill-Knisja Parrokkjali kienet ta’ €2430 u ż-Żebbiegħ €799.30.

Matul din il-ġimgħa tajna l-aħħar tislima lil Gużeppa Buttigieg u t-tarbija Annalisa Farrugia. Agħtihom O Mulej…