Monsinjur Arċisqof ħatar lil Fr Sean bħala Kappillan tal-Parroċċa tagħna. Filwaqt li nawgurawlu, nwegħduh il-koperazzjoni sħiħa tagħna u nitolbu għalih. Il-Bidu uffiċċjali tal-ħidma pastorali tiegħu ser tkun nhar il-Ħadd 15 ta’ Diċembru.

Għada/illum fil-Quddiesa tal-10.30am jingħata l-mandat lill-Katekisti u nħeġġu lit-tfal iġibu l-basket tal-iskola biex inberkuh. Wara jkollna Open Day fl-Oratroju u nbierku l-klassijiet. Ikun hemm diversi attivitajiet għat-tfal u l-familji.

It-Tnejn 30 ta’ Settembru jibdew iż-żjajjar tal-Madonna fiż-żoni tal-Parroċċa tagħna. Nibdew Ta’ Mrejnu fis-7pm Quddiesa u wara nitolbu t-talba tar-Rużarju. F’każ ta’ maltemp isiru fil-Knisja. Matul din il-ġimgħa filgħaxijiet ma jkunx hawn quddies fil-Knisja.
It-Tnejn jibda wkoll it-tberik tal-familji u d-djar tagħna, bejn l-4.30pm u s-7pm. Ser inbierku Triq Għajn Tuffieħa, Sqaq Ciantar, Sqaq in-Naħal, Palma u ta’ Mrejnu – dawk li ma tberkux f’Mejju li għadda.

It-Tlieta 1 t’Ottubru niltaqgħu għaż-żjara tal-Madonna ġewwa Binġemma. Filgħaxija jsir it-tberik f’Binġemma u Triq in-Niċċa.

L-Erbgħa 2 t’Ottubru ż-żjara tal-Madonna ssir ġewwa s-Santi.

Il-Ħamis 3 t’Ottubru wara l-quddiesa ta’ filgħodu ssir l-adorazzjoni organizzata mill-grupp tal-ħniena divina. Iż-Żjara filgħaxija ssir ħdejn il-ground tal-futbol u jsir it-tberik ġewwa s-Santi, Abatija, Fomm ir-Riħ, Skorvit, Lippija, Bokka u ta’ Tewma.

Il-Ġimgħa 4 t’Ottubru l-ewwel ġimgħa tax-xahar. Filgħodu jsir it-tqarbin tal-morda tal-ewwel grupp. Fis-7pm issir l-aħħar żjara tal-Madonna ġewwa l-Knisja taż-Żebbiegħ.

Is-Sibt 5 t’Ottubru fil-quddiesa tas-7pm niċċelebraw is-76 anniversarju mill-konsagrazzjoni tal-Knisja Parrokkjali.

Il-Ħadd 6 t’Ottubru niċċelebraw il-Festa tal-Madonna tar-Rużarju. Fil-5pm Quddiesa u wara Purċissjoni bl-istatwa tal-Madonna li tgħaddi minn Triq Mons Oraz Vella, Vitale, San Pawl, Santa Marija, Fisher u Misraħ l-Assunta fejn nitolbu t-talba tar-Rużarju.

Aktar tard f’Ottubru jkompli t-tberik tad-djar u l-familji. Il-Programm tistgħu ssibuh online jew man-noticeboards.

Il-Weekend li ġej, l-ewwel Ħadd tax-xahar issir il-ġabra speċjali għall-bżonnijiet tal-Parroċċa.