Matul dan il-weekend ħdejn il-bibien tal-Knisja hemm membri mill-Hospice Movement li qegħdin jagħmlu ġabra għall-bżonnijiet tal-ħidma tagħhom.
Mit-Tnejn 30 t’Ottubru għax-xhur li ġejjin, il-ħin tal-Quddies ta’ filgħaxija ser jibda jkun fis-6.30pm u mhux fis-7pm mit-Tnejn sas-Sibt. Fis-6pm ikun hemm ir-rużarju ħlief f’xi okkażjonijiet fejn dan mhux ser ikun possibli. Fil-Knisja taż-Żebbiegħ matul il-ġimgħa tkun fis-6pm.
It-Tnejn 30 t’Ottubru jkomplu l-provi tal-Kor Parrokkjali wara l-Quddiesa ta’ figħaxija. Fis-7.15pm issir il-laqgħa tal-Kunsill Pastorali Parrokkjali fl-Oratorju.
L-Erbgħa 1 ta’ Novembru – Festa tal-Qaddisin kollha, ser issir Quddiesa għat-tfal fl-4.30pm fil-Knisja Parrokkjali. Inħeġġu lit-tfal biex jiġu lebsin tal-Qaddis favorit tagħhom u jġibu magħhom bott tal-preserves jew xi ħaġa tal-ikel biex tingħata karità. Filgħaxija ssir ukoll il-Quddiesa tas-6.30pm. Dakinhar l-Uffiċju Parrokkjali ma jiftaħx. Kull nhar ta’ Tnejn fix-xahar ta’ Novembru ssir Quddiesa ċ-Ċimiterju fl-4.30pm.
Il-Ħamis 2 ta’ Novembru – L-Għid tal-Imwiet, il-Quddies fil-Parroċċa filgħodu jkun fis-7am u fis-7.30am. Filgħaxija fl-3.45pm rużarju u fl-4pm issir Quddiesa u wara t-tberik taċ-Ċimiterju. Filgħaxija fis-6.30pm issir Quddiesa li fiha nitolbu għall-għeżież tagħna li għaddew għall-ħajja ta’ dejjem.
Il-Ġimgħa 3 ta’ Novembru – L-Ewwel ġimgħa tax-xahar. Filgħodu jsir it-tqarbin tal-morda tal-Imġarr.
Din il-ġimgħa m’hemmx katekeżi għat-tfal u għalhekk il-Quddiesa fl-Oratorju nhar l-4 ta’ Novembru ma ssirx. Il-katekeżi tkompli l-ġimgħa ta’ wara.
Avviżi Oħra:
Nhar t-2 ta’ Novembru u fil-weekend ser isir bejgħ ta’ pjanti fejn il-Knisja u ċ-ċimiterju b’risq il-Parroċċa.
Il-Ġabra f’Jum il-Missjoni tal-weekend li għadda mill-Knisja Parrokkjali kienet ta’ €2432.98 u mill-Knisja taż-Żebbiegħ €_________.Nirringrazzjawkom tal-għotjiet ġenerużi tagħkom.
Fil-Weekend li ġej issir il-ġabra speċjali tal-ewwel ħadd tax-xahar, għall-bżonnijiet tal-Parroċċa. Infakkru fl-iskema ta’ Benefatturi għas-sagristija. Nirringrazzjawkom dejjem tas-sostenn kontinwu tagħkom. Tistgħu ssewgu aktar fuq il-midja soċjali.
Mis-17 sad-19 ta’ Novembru ser isir irtir għall-grupp taż-żgħażagħ ‘il fuq minn 18–il sena ġewwa Għawdex. Dawk interessati jistgħu jingħaqdu ma’ dan il-grupp għal dan l-irtir, jkellmuna sal-Ġimgħa 3 ta’ Novembru.
Ser jingħaqad kor ġdid tat-tfal minn 6 snin ‘il fuq biex jieħu sehem qabel il-Quddiesa ta’ nofsillejl tal-Milied. Dawk li huma nteressati jistgħu ikellmu lil Dun Sean jew jibgħatu messaġġ fuq il-paġna tal-facebook.
