Għada/Illum huwa l-ewwel Ħadd tax-xahar u għalhekk issir il-ġabra speċjali għall-bżonnijiet tal-Parroċċa.
It-Tnejn 8 t’April inbierku d-djar fi Triq il-Fuħħar l-Aħmar (minn Misq sa Sir Temi).
It-Tlieta 9 t’April inbierku d-djar fi Triq Sant’Anna u Misraħ iż-Żebbiegħ.
Il-Ħamis 11 t’April filgħodu fid-9am issir il-laqgħa tal-Azzjoni Kattolika tan-nisa fl-Oratorju. Filgħaxija tkompli l-katekeżi fl-Oratorju b’mod normali.
Il-Ħamis isir ukoll it-tberik fi Triq il-Fuħħar l-Aħmar (minn Sir Temi sa Ġnien id-Dwieli) u Triq ta’ Qarawas.
Il-Ġimgħa 12 t’April filgħodu jsir it-tqarbin tal-morda taż-Żebbiegħ.
Is-Sibt 13 t’April fil-Quddiesa ta’ filgħaxija ser jipparteċipaw il-grupp tas-Sea Scouts tal-Imġarr fl-okkażjoni tal-10 anniversarju mit-twaqqif tagħhom.
Il-Quddiesa u r-Rużarju tat-13 tax-xahar fl-Oratorju ser issir it-Tnejn 15 t’April.
Ħarġet l-informazzjoni dwar ir-ritratti għall-Ewwel Tqarbina u l-Griżma tal-Isqof ta’ din is-sena fuq il-facebook page tal-Parroċċa.
Għada/Illum il-Ħadd qed tittella l-attività Festa Frawli mill-Kummissjoni Lejla Mġarrija tal-Parroċċa tagħna, b’kollaborazzjoni mal-Kunsill Lokali. Inħeġġukom biex nagħtu s-sehem tagħna. Infakkru li l-qliegħ minn din l-attivita’ jmur b’risq il-bini tas-Sagristija. Infakkru mill-ġdid fl-iskema tal-benefatturi tax-xahar b’risq il-proġett tal-bini tas-Sagristija. Nirringrazzjawkom tal-għajnuna tagħkom.
