Matul dan il-weekend qiegħed isir il-Christmas Market fil-Maħżen tal-Knisja b’risq il-Parroċċa. Hemm ħafna affarijiet tal-Milied, ħelu, pjanti eċċetra li wieħed jista’ jixtri.

Għada/Illum il-Ħadd ser ikun hawn il-bank tad-demm mal-ġenb tal-Knisja. Tkun ħaġa sabiħa li min jista’ jagħti d-demm.

L-Erbgħa 11 ta’ Diċembru fis-6.30pm quddiesa u rużarju fl-Oratorju fl-okkażjoni tat-tlettax tax-xahar u l-bidu tal-ħidma tal-kappillan il-ġdid. Il-Quddiesa ta’ filgħaxija fil-Knisja ma ssirx.

Il-Ħamis 12 ta’ Diċembru Fit-8.00am ser isir it-tindif tas-Sala tal-Oratorju. Kull min jista’ jagħti daqqa t’id ikun apprezzat. Fid-9.00am issir il-laqgħa tal-A.K. Nisa.

Wara l-quddiesa tas-6.30pm issir Velja ta’ Talb bi tħejjija għall-bidu tal-ħidma pastorali tal-kappillan. Din ser tkun animata mill-għaqdiet tal-Parroċċa. Inħeġġukom tattendu.

Il-Ġimgħa 13 ta’ Diċembru isir it-tqarbin tal-morda tat-tieni grupp.

Is-Sibt 14 ta’ Diċembru Fis-6.00pm nitolbu t-talba tal-għasar tat-tielet Ħadd tal-Avvent.

Il-Ħadd 15 ta’ DiċembruBidu tal-ħidma pastorali tal-Kappillan il-ġdid. Fil-4.45pm jibda Korteo mid-Dar Parrokkjali bis-sehem tal-Banda u s-Sea Scouts li jieqaf l-Oratorju fejn isir mument żgħir ta’ talb bis-sehem tal-abbatini, ż-żgħażagħ u l-adoloxxenti tal-Griżma u wara jkompli sal-Knisja. Fis-6.00pm tibda l-Quddiesa immexxija minn Mons Arċisqof fejn Dun Sean jingħata l-mandat uffiċjali. Wara jsir reċiviment fl-Oratorju. Kulħadd huwa mistieden għal din iċ-ċelebrazzjoni.

On the second day of Christmas Novena – Monday 16th December at 6.30pm we are going to celebrate an international Advent Mass. All foreigners are welcome.

Ser isir it-tqassim tar-rigali tal-Milied għat-tfal fid-djar fl-Imġarr minn Father Christmas il-Ħadd 22 ta’ Diċembru. Dawk li jixtiequ jħallu r-rigal għandhom jagħmlu dan waqt il-Christmas Market jew l-Uffiċċju Parrokkjali flimkien mad-donazzjoni tagħhom.

Tqassam l-envelope tal-Ġabra tal-Milied, dan mhux ser jinġabar bieb bieb, għalhekk min jixtieq jgħin għandu jġibu hawnhekk fil-Knisja. Grazzi tal-għajnuna tagħkom.

Infakkru li fuq wara tal-Knisja issibu l-kaxxa tad-donazzjonijiet b’risq id-dar tal-Providenza, u qoffa biex niġbru preserves u ikel biex ngħinu l-Kċina ta’ Marta. Inħeġġukom tkunu ġenerużi.

Infakkru fl-iskema tal-benefatturi tas-Sagristija.

Il-Ġabra speċjali tal-weekend li għadda kienet ta’ €1245. Grazzi mill-qalb tal-għajnuna tagħkom.