Illum/Għada l-Ħadd fil-quddiesa tal-10.30am niċċelebraw lil San Martin. Nistiednu lit-tfal iġibu magħhom il-borża ta’ San Martin sabiex inberkuha u wara nagħtuhom xi ħaġa tajba wkoll.
It-Tnejn 11 ta’ Novembru fl-4.00pm nitolbu t-talba tar-rużarju u wara quddiesa fiċ-Ċimiterju. Fl-4.30pm inbierku Triq Lazzru Pisani.
It-Tlieta 12 ta’ Novembru filgħaxija nbierku Triq Ġannmari Camilleri.
L-Erbgħa 13 ta’ Novembru fis-7.15pm issir il-ħames laqgħa tal-kors ta’ Kana fl-Oratorju.
Il-Ħamis 14 ta’ Novembru Fid-9.00am issir il-laqgħa tal-A.K tan-nisa fl-Oratorju. Il-Quddiesa ta’ filgħaxija tkun fl-Oratorju fl-okkażjoni tat-13 tax-xahar.
Filgħaxija nbierku Triq il-Majjistral, Sqaq iż-Żabra, Triq iċ-Ċagħak u Triq Papa Piju XII.
Il-Ġimgħa 15 ta’ Novembru Filgħodu jsir it-tqarbin tal-morda tat-tielet grupp.
Fis-7.30pm issir it-tieni laqgħa organizzata mill-Kummissjoni Familja dwar l-ansjetà u kif nistgħu negħlbuha, mmexxija mill-Psikoterapista Rosette Said Sarreo ġewwa s-Sala ta’ wara l-Knisja ż-Żebbiegħ.
Is-Sibt 16 ta’ Novembru Fit-3.00pm isiru l-provi tal-kor tat-tfal fil-Knisja bi tħejjija għal Lejliet il-Milied. Inħeġġu tfal oħra biex jingħaqdu magħhom.
Fl-4.30pm ser issir l-Assemblea Ġenerali tal-Azzjoni Kattolika Maltija ġewwa l-Oratorju.
Inħeġġu lill-adoloxxenti u ż-żgħażagħ biex jattendu għal ċelebrazzjoni għaż-żgħażagħ kollha: Żgħażagħ ta’ Tama organizzata mill-Arċidjoċesi (MCYN) ġewwa r-Rabat nhar is-Sibt 23 ta’ Novembru. Fuq il-paġna tal-facebook taż-ŻAK Imġarr tistgħu ssibu d-dettalji kollha biex tapplikaw.
Infakkru fl-iskema tal-benefatturi tas-Sagristija.
Il-Ġabra speċjali għall-bżonnijiet tal-Parroċċa tal-weekend li għadda kienet ta’ €1205. Grazzi tal-għajnuna tagħkom.
Ħdejn il-bibien tal-knisja hemm voluntiera mill-Mġarr Kenja Group li qed jilqgħu donazzjonijiet b’risq il-missjoni li ser jagħmlu aktar tard dan ix-xahar ġewwa Ruiru l-Kenja. Inħeġġukom ngħinuhom u nżommuhom f’talbna.
Matul din il-ġimgħa tajna l-aħħar tislima lil Maria Camilleri. Agħtiha O Mulej…
