Għada/llum l-Ħadd il-Palm Fl-10.00am ċelebrazzjoni solenni tad-daħla tal-Mulej f’Ġerusalemm bit-tberik taż-żebbuġ li tibda għand is-Sorijiet Franġiskani u wara ninżlu l-Knisja Parrokkjali fejn tkompli l-quddiesa bis-sehem tal-fratelli, tfal u s-Sea Scouts. Min jixtieq mit-tfal jista’ jilbes ta’ lhudi. Inħeġġukom biex nieħdu sehem.

It-Tnejn 14 t’April filgħodu jsir it-tqarbin tal-morda tal-ewwel u t-tieni grupp.

Fis-7.00pm quddiesa mmexxija mill-Isqof Mons George Frendo O. P u wara jmexxi katekeżi dwar it-tridu tal-Għid. Kulħadd mistieden.  

It-Tlieta 15 t’April fil-5.00pm quddiesa u wara toħroġ il-purċissjoni tal-Via Sagra bl-istatwi tal-passjoni u l-persunaġġi bibbliċi. Din ser tkun imxandra fuq UTV.

L-Erbgħa 16 t’April fis-7.30pm issir il-Via Sagra fi Triq ir-Ruħ miż-ŻAK Imġarr. Kulħadd mistieden jattendi.

Il-Ħamis 17 t’April – Ħamis ix-Xirka.

Filgħodu l-Knisja ma tiftaħx. Fis-7.00pm quddiesa solenni tat-tifkira tal-ikla tal-Mulej bir-rit tal-ħasil tar-riġlejn. Fit-tmiem tal-quddiesa ssir purċissjoni bl-Ewkaristija sal-artal tar-repożizzjoni. Wara jsir mument ta’ talb tas-seba’ visti u fl-10.00pm issir velja ta’ talb animata miż-ŻAK. Il-Knisja tagħlaq fil-11.00pm.

Il-Ġimgħa 18 t’April – Il-Ġimgħa l-Kbira – Jum ta’ sawm u astinenza.

Il-Knisja tiftaħ fil-5.00am.

Fil-5.30am u fis-7.00am mumenti ta’ talb organizzati.

Fit-8.00am talb tal-liturġija tas-sigħat.

Fl-10.00am adorazzjoni għat-tfal.

Fit-3.00pm Azzjoni liturġika tal-mewt tal-Mulej.

Is-Sibt 19 t’April – Sibt il-Għid.

Filgħodu l-Knisja ma tiftaħx.

Fit-8.00pm tibda l-liturġija solenni tas-sahra tal-lejl qaddis tal-Għid il-Kbir.

Il-Ħadd 20 t’April – Ħadd il-Għid.

Ħinijiet tal-quddies ikun bħas-soltu. Wara l-quddiesa tal-10.30am inbierku l-figolli u l-ħelu tal-għid. Inħeġġu lit-tfal u l-familji jattendu.

Dawk li għandhom buqari jew fjuri bojod għall-artal tar-repożizzjoni jistgħu jġibuhom il-Knisja sa nhar it-Tlieta li ġej.

Infakkru fl-iskema tas-Sagristija. Il-Ġabra speċjali tal-weekend li għadda kienet ta’ €1720. Nirringrazzjawkom mill-qalb tal-għajnuna!

Infakkru li minn Ħamis ix-Xirka sa Sibt il-Għid il-Kappella tas-Sagrament tkun magħluqa, terġa tiftaħ nhar Ħadd il-Għid. Fiż-Żebbiegħ nhar it-Tlieta u l-Ġimgħa ma jsirx quddies. Inħeġġukom biex f’dawn il-jiem l-aktar importanti għalina l-insara nħejju ruħna permezz tas-sagramenti u ninġabru flimkien bħala komunità waħda hawnhekk fil-Knisja Parrokkjali għal dawn iċ-ċelebrazzjonijiet.