Għada/llum Ħadd il-Għid – Ħinijiet tal-quddies ikun bħas-soltu. Wara l-quddiesa tal-10.30am inbierku l-figolli u l-ħelu tal-għid. Inħeġġu lit-tfal u l-familji jattendu.
It-Tnejn 21 t’April filgħodu l-abbatini ser ikollhom ħarġa.
It-Tlieta 22 t’April wara l-quddiesa ta’ filgħaxija ssir laqgħa għall-voluntiera tal-festa frawli fil-Kunsill Lokali.
L-Erbgħa 23 t’April fit-3.00pm issir il-laqgħa għall-anzjani fl-Oratorju.
L-Uffiċċju Parrokkjali ma jkunx miftuħ.
Dakinhar jibda t-tberik tad-djar u l-familji mill-4.30pm ‘l quddiem. Ser inbierku Triq Sebħ, Misq u Melissa.
Il-Ħamis 24 t’April inbierku Triq L-Imqades (minn Fuħħar l-Aħmar sa S.Anna).
Fis-7.30pm issir il-Lectio Divina fl-Oratorju.
Il-Ġimgħa 25 t’April filgħdodu jsir it-tqarbin tal-morda tat-tielet grupp.
Filgħaxija nbierku Triq il-Fuħħar l-Aħmar (minn Misq sa Sir Temi).
Is-Sibt 26 t’April wara l-quddiesa ta’ filgħaxija ssir l-Adorazzjoni fl-okkażjoni tal-Festa tal-Ħniena Divina.
Il-Ħadd 27 t’April tiġi organizzata Festa Frawli mill-Kummissjoni Lejla Mġarrija tal-Parroċċa tagħna bil-kollaborazzjoni u l-għajnuna tal-Kunsill Lokali. Inħeġġukom tipparteċipaw, infakkru li d-dħul kollu ta’ din l-attivita jmur għall-proġett tas-Sagristija.
Infakkru fl-iskema tas-Sagristija.
Mit-Tnejn 28, propju l-għada tal-kanonizzazzjoni tal-Beatu Carlo Acutis sal-Ħadd ta’ wara ser ikollna fostna r-relikwa tiegħu. Il-Programm tal-attivitajiet li ser isiru jitħabbar aktar tard matul il-ġimgħa li ġejja.
F’isem is-Saċerdoti u l-Kunsill Parrokkjali nawguraw Għid Qaddis lil kulħadd.
