F’dan il-weekend nbiddlu l-ħin għal dak tas-sajf. Il-quddiesa ta’ filgħaxija fil-Knisja Parrokkjali mit-Tnejn sas-Sibt tkun fis-7.00pm. Il-Quddies tat-Tlieta u l-Ġimgħa fiż-Żebbiegħ ikun fis-6.30pm.

Mit-Tnejn 31 ta’ Marzu u l-Ġimgħa 4 t’April ser isir kors t’eżerċizzi għal kulħadd fil-Knisja Parrokkjali fit-7.50am immexxija minn Patri Stephen Borg OFM Conv.

It-Tnejn 31 ta’ Marzu l-abbatini ser jieħdu sehem f’tournament tal-futbol. Jitilqu fit-8.15am mill-Pjazza.

Il-Ħamis 3 t’April Wara li jispiċċaw l-eżerċizzi jkun hawn adorazzjoni mmexxija mill-grupp tal-Ħniena Divina.
Wara l-quddiesa ta’ filgħaxija ssir l-adorazzjoni fil-Knisja Parrokkjali.

Il-Ġimgħa 4 t’April l-ewwel ġimgħa tax-xahar. Il-Kappella tas-Sorijiet Franġiskani tkun miftuħa għall-adorazzjoni bejn it-8.30am u l-11.30am.
Filgħodu jsir it-tqarbin tal-morda tal-ewwel grupp.
Filgħaxija il-quddiesa tkun fis-6.00pm u wara jkollna l-Purċissjoni b’Ġesu Redentur li tgħaddi minn Triq il-Kbira, Triq Vitale, Triq San Pawl, Triq Dun Edgar u lura l-Knisja. Inħeġġukom tattendu. L-uffiċċju parrokkjali ma jiftaħx.

Is-Sibt 5 t’April fil-quddiesa tas-6.30pm issir l-aħħar l-katekeżi dwar il-qrar.
Is-Sibt ukoll ser issir Pasta Night organizzata mill-Grupp tal-Fundraising tal-Parroċċa fis-Sala tal-Oratorju. Inħeġġukom tibbukkjaw il-post tagħkom.

Il-Ħadd 6 t’April il-knisja taż-Żebbiegħ qed torganizza mixja b’riflessjonijiet għar-Randan mill-kappella Medjevali ta’ Santa Luċija ġewwa l-Imtarfa, għaċ-Chadwick Lakes, sal-Knisja tal-Isperanza l-Mosta. Trasport mill-Knisja taż-Żebbiegħ fit-3.00pm. Tluq mill-Imtarfa fit-3.30pm.

Il-Ħamis 10 t’April ser isir pellegrinaġġ għar-Redentur tal-Isla. Min hu nteressat ikellem lill-membri tal-azzjoni sat-Tnejn 7 t’April.
Dakinhar filgħaxija ser isiru l-eżerċizzi għal żgħażagħ 20+ fit-8.00pm fil-Kappella tas-Sorijiet Franġiskani mmexxija minn Fr Jean Gove.

Il-Via Sagra ta’ Triq ir-Ruħ organizzata miż-ŻAK Imġarr, minħabba l-maltemp ġiet postposta għall-Erbgħa 16 t’April fis-7.30pm.

Infakkru fl-iskema tal-benefatturi tas-Sagristija.

Il-Weekend li ġej huwa l-ewwel weekend tax-xahar u għalhekk issir il-ġabra speċjali għall-bżonnijiet tal-Parroċċa.