Għada/Illum il-Ħadd Bidu tal-ħidma pastorali tal-Kappillan. Fil-4.45pm jibda Korteo mid-Dar Parrokkjali bis-sehem tal-Banda u s-Sea Scouts li jieqaf l-Oratorju fejn isir mument żgħir ta’ talb bis-sehem tal-abbatini, ż-żgħażagħ u l-adoloxxenti tal-Griżma u wara jkompli sal-Knisja. Fis-6.00pm tibda l-Quddiesa immexxija minn Mons Arċisqof fejn Dun Sean jingħata l-mandat uffiċjali. Wara jsir reċiviment fl-Oratorju. Kulħadd huwa mistieden.

It-Tnejn 16 ta’ Diċembru t-tieni jum tan-Novena tal-Milied quddiesa għal dawk li huma minn pajjiżi oħra u jgħixu fl-Imġarr. Tajjeb jekk nafu b’xi wħud nwasslu l-istedina.

Next Monday at 6.30pm we are going to celebrate an international Advent Mass.

It-Tlieta 17 ta’ Diċembru fil-5.00pm festin għat-tfal tal-ewwel u t-tieni sena tal-katekeżi fl-Oratorju u fis-6.30pm quddiesa tan-Novena fil-Knisja.

L-Erbgħa 18 ta’ Diċembru fil-5.00pm festin għat-tfal tat-tielet u r-raba’ sena tal-katekeżi fl-Oratorju u fis-6.30pm quddiesa tan-Novena fil-Knisja.

Il-Ħamis 19 ta’ Diċembru Fid-9.00am issir il-laqgħa tal-A.K. Nisa.

Fil-5.00pm festin għat-tfal tal-ħames u s-sitt sena tal-katekeżi fl-Oratorju u fis-6.30pm quddiesa tan-Novena fil-Knisja.

Il-Ġimgħa 20 ta’ Diċembru Ma jsirx it-tqarbin tat-tielet grupp tal-morda minħabba li hawn attività tal-iskola primarja. Dan isir il-ġimgħa ta’ wara.

Bejn il-5.00pm u t-8.00pm ikun hemm saċerdoti disponibbli għall-qrar fil-Knisja.

Fis-6.30pm Quddiesa tan-Novena għaż-Żgħażagħ bis-sehem taż-ŻAK Imġarr. Mistiedna wkoll l-adoloxxenti li ser jagħmlu l-Griżma tal-Isqof is-sena li ġejja. Wara jkun hemm attività għall-membri taż-ŻAK fl-Oratorju.

Is-Sibt 21 ta’ Diċembru Fis-6.00pm Talba tal-Għasar u fis-6.30pm Quddiesa tan-Novena tal-Milied għall-Abbatini u l-familjari tagħhom. Wara jkollhom il-festin tal-Milied fl-Oratorju.

Il-Ħadd 22 ta’ Diċembru Fl-10.30am Quddiesa tan-Novena għat-tfal u l-familji fejn nistednuhom iġibu l-bambini ħalli nberkuhom.

Ser isir it-tqassim tar-rigali tal-Milied għat-tfal fid-djar fl-Imġarr minn Father Christmas il-Ħadd 22 ta’ Diċembru. Dawk li jixtiequ jħallu r-rigal għandhom jagħmlu dan fl-Uffiċċju Parrokkjali flimkien mad-donazzjoni tagħhom sa nhar l-Erbgħa li ġej.

It-Tnejn 23 ta’ Diċembru ser issir il-Purċissjoni tal-Bambin mill-Knisja Parrokkjali fil-5.30pm. Inħeġġu lil kulħadd biex jattendi speċjalment it-tfal.