It-Tnejn 26 ta’ Mejju filgħaxija nbierku Triq ir-Raddiena, Andrea Deguara, Staġuni u Dewwiema.
It-Tlieta 27 ta’ Mejju Filgħaxija nbierku Triq Sir Temi u Anfora.
Il-Ħamis 29 ta’ Mejju fid-9.00am issir il-laqgħa tal-A.K.Nisa.
Filgħaxija nbierku Triq il-Plejju, l-Alwiza u Lellux.
Fis-7.30pm issir il-Lectio Divina fl-Oratorju.
Il-Ġimgħa 30 ta’ Mejju fil-5.00pm issir il-prova għall-adoloxxenti tal-Griżma fil-Knisja.
Fis-7.00pm ser issir quddiesa u wara ċelebrazzjoni marjana ħdejn id-Dar Parrokkjali fi Triq Dun Edgar animati miż-ŻAK. Kulħadd huwa mistieden jattendi biex nagħlqu dan ix-xahar Marjan flimkien. Fil-Knisja ma jkunx hemm quddiesa filgħaxija.
L-Uffiċċju Parrokkjali ma jiftaħx.
Il-Ġimgħa li ġejja hija l-aħħar ġimgħa ta’ katekeżi għal din is-sena għall-ewwel sena, u t-tielet sas-sitt sena.
Infakkru lill-benefatturi tal-iskema tas-Sagristija li ħallsu ta’ sena biex iġeddu l-ħlas tagħhom għal sena oħra li tibda f’Ġunju. Tajjeb tkunu tafu li peress li ħadna estensjoni tal-loan, qed inħallsu €2500 fix-xahar.
Il-weekend li ġej huwa l-ewwel weekend tax-xahar u għalhekk issir il-ġabra speċjali. Din id-darba ser tkun qed tmur biex jinxtraw il-fannijiet ġodda għas-sajf għall-knisja.
Monsinjur Arċisqof ħatar lill-Kappillan bħala Kanonku Onorarju tal-Kolleġġjata ta’ San Pawl ir-Rabat. Iċ-Ċelebrazzjoni tal-investitura ser tkun il-Ħadd 1 ta’ Ġunju fil-5pm. Min jixtieq jista’ jattendi.
Matul dan is-sajf, fl-Oratorju ser jiġu organizzati kors tal-ħjata u kors tal-prespji għat-tfal. Nhar ta’ Erbgħa matul is-sajf ser jerġa’ jsir ukoll Klabb Sajf. Id-dettalji għall-applikazzjonijiet joħorġu fil-jiem li ġejjin.
Il-Kummissjoni Lejla Mġarrija qed tippublika r-rendikont ta’ Festa Frawli 2025:
Dħul: €136,745.39
Ħruġ: €90,572.54
VAT Imħallsa: €5,296.97
Taxxa Mħallsa: €8,932.83
Qliegħ finali: €31,943.05.
Grazzi mill-qalb lil kull min għen. Infakkru li dan il-qliegħ imur għall-proġett tas-Sagristija.
