Għada/llum l-Ħadd il-knisja taż-Żebbiegħ qed torganizza mixja b’riflessjonijiet għar-Randan mill-Imtarfa sal-Knisja tal-Isperanza l-Mosta.
L-Erbgħa 9 t’April ser issir ċelebrazzjoni penitenzjali fil-Knisja Parrokjali wara l-quddiesa tas-7.00pm. Ser ikun hawn saċerdot barrani disponibbli għall-qrar.
Il-Ħamis 10 t’April ser isir pellegrinaġġ għar-Redentur tal-Isla. Min hu nteressat ikellem lill-membri tal-azzjoni sat-Tnejn 7 t’April.
Fit-8.00pm ser isiru l-eżerċizzi għal żgħażagħ 20+ fil-Kappella tas-Sorijiet Franġiskani mmexxija minn Fr Jean Gove.
Wara l-quddiesa ta’ filgħaxija ssir l-adorazzjoni fil-Knisja Parrokkjali.
Il-Ġimgħa 11 t’April – Tifkira devozzjonali ta’ Marija Addolorata
Fis-7.00am Via Sagra u wara quddiesa.
Fil-5.00pm Quddiesa u fis-5.45pm Purċissjoni bl-istatwa ta’ Marija Addolorata li tgħaddi minn Triq Sir Harry Luke, San Filippu, Santa Marija, Fisher u lura l-Knisja. Kif tidħol il-purċissjoni jkun hemm quddiesa oħra.
It-Tqarbin tal-morda ma jsirx il-Ġimgħa imma ser isir nhar it-Tnejn 14 t’April u l-Uffiċċju Parrokkjali ma jiftaħx.
Il-Ħadd 13 t’April – Ħadd il-Palm
Fl-10.00am ċelebrazzjoni solenni tad-daħla tal-Mulej f’Ġerusalemm bit-tberik taż-żebbuġ li tibda għand is-Sorijiet Franġiskani u wara ninżlu l-Knisja Parrokkjali fejn tkompli l-quddiesa bis-sehem tal-fratelli, tfal u s-Sea Scouts. Min jixtieq mit-tfal jista’ jilbes ta’ lhudi. Inħeġġukom biex nieħdu sehem.
It-Tnejn 14 t’April wara l-quddiesa ta’ filgħaxija ser issir katekeżi dwar is-sinifikat liturġiku tat-tridu tal-Għid minn Mons. Isqof George Frendo OP.
It-Tlieta 15 t’ April fil-5.00pm jkun hawn quddiesa u toħroġ il-purċissjoni bl-istatwi tal-Via Crucis.
Il-Via Sagra ta’ Triq ir-Ruħ organizzata miż-ŻAK Imġarr, ser issir l-Erbgħa 16 t’April fis-7.30pm.
Dawk li għandhom buqari jew fjuri bojod għall-artal tar-repożizzjoni jistgħu jġibuhom il-Knisja fil-bidu tal-Ġimgħa Mqaddsa.
