
It-Tnejn 18 ta’ Novembru fl-4.00pm nitolbu t-talba tar-rużarju u wara quddiesa fiċ-Ċimiterju. Fl-4.30pm inbierku Triq Dun Edgar u Triq Barbara. Hekk inkunu qed intemmu t-tberik għal din is-sena. Permezz taż-żmien ta’ wara l-Għid u issa f’Ottubru u Novembru, żorna t-toroq kollha tal-Imġarr. Għalhekk jekk xi ħadd ma kellux l-opportunità li nberkulu d-dar u jixtieq jagħmel dan, jista’ jitkellem mal-Kappillan jew Fr Noel għal appuntament.
It-Tlieta 19 ta’ Novembru fil-5.00pm issir il-laqgħa tal-Abbatini.
L-Erbgħa 20 ta’ Novembru fit-3.00pm issir il-laqgħa tal-anzjani fl-Oratorju u fis-7.15pm issir is-sitt laqgħa tal-kors ta’ Kana fl-Oratorju.
Il-Ħamis 21 ta’ Novembru fid-9.00am issir il-laqgħa tal-A.K tan-nisa.
Fit-8.00pm issir il-laqgħa għaż-Żgħażagħ 20+ fl-Oratorju.
Il-Ġimgħa 22 ta’ Novembru issir adorazzjoni fil-Knisja taż-Żebbiegħ wara l-quddiesa tas-6.00pm.
Is-Sibt 23 ta’ Novembru Fit-3.30pm isiru l-provi tal-kor tat-tfal fil-Knisja bi tħejjija għal Lejliet il-Milied.
Il-Ħadd 24 ta’ Novembru niċċelebraw is-Solennità ta’ Kristu Re. Ser issir ċelebrazzjoni djoċesana fil-Bażilika ta’ Kristu Re, Raħal Ġdid mmexxija mill-Arċisqof fil-5.00pm.
Bejn il-Ġimgħa 22 u l-Ħadd 24 ser isir Camping għaż-ŻAK 2008-2009. Dawk li m’applikawx jagħmlu dan mill-aktar fis. Inħeġġu wkoll lill-adoloxxenti u ż-żgħażagħ biex jattendu għal ċelebrazzjoni għaż-żgħażagħ kollha: Żgħażagħ ta’ Tama organizzata mill-Arċidjoċesi (MCYN) ġewwa r-Rabat nhar is-Sibt 23 ta’ Novembru. Fuq il-paġna tal-facebook taż-ŻAK Imġarr tistgħu ssibu d-dettalji kollha biex tapplikaw.
Infakkru fl-iskema tal-benefatturi tas-Sagristija.
Għada/Illum il-Ħadd 17 ta’ Novembru mis-1.30pm ‘il quddiem ser issir fiera b’risq il-Knisja taż-Żebbiegħ.
Nixtiequ ninfurmawkom li r-regolamenti għad-dħul fl-iskejjel tal-Knisja f’Malta ġew ippubblikati. Aktar informazzjoni fuq in-noticeboard.
L-Mġarr Kenja Group jirringrazzja lil dawk kollha li taw id-donazzjonijiet tagħhom b’risq il-missjoni. Id-dħul minn ħdejn il-Knisja Parrokkjali kien ta’ €1333.37 u minn ħdejn il-Knisja taż-Żebbiegħ €453.12.
Matul din il-ġimgħa tajna l-aħħar tislima lil Wiġi Camilleri u Raymond Borg. Agħtihom O Mulej…