F’dan il-weekend qegħdin nagħtu bidu għal żmien l-Avvent. Illum/Għada fl-10.30am issir il-quddiesa għat-tfal u l-familji li fiha mistednin iġibu l-girlanda tal-avvent li preparaw huma biex inberkuha.

Matul dan il-weekend issir il-ġabra speċjali.  

Bħala Parroċċa ser nieħdu 2 inizjattivi ta’ karità matul dan l-avvent. Bħas-soltu ser ngħinu lid-Dar tal-Providenza – fuq wara tal-Knisja hemm kaxxa fejn tistgħu titfgħu d-donazzjonijiet tagħkom. It-Tieni, fuq wara tal-knisja hemm ukoll qoffa biex niġbru preserves u ikel biex ngħinu lill-Kċina ta’ Marta tal-Arċidjoċesi, li tqassam ikel lil min hu fil-bżonn. Hemm ukoll envelops biex ngħinu f’din l-istess ħidma b’mod finanzjarju. Inħeġġukom tkunu ġenerużi.

It-Tlieta 3 ta’ Diċembru fil-5.00pm issir il-laqgħa tal-abbatini.

L-Erbgħa 4 ta’ Diċembru fis-7.15pm tmiem tal-kors ta’ Kana fl-Oratorju.

Il-Ħamis 5 ta’ Diċembru wara l-quddiesa ta’ filgħodu ssir l-adorazzjoni mill-grupp tal-Ħniena Divina.Fid-9.00am issir il-laqgħa tal-A.K.Nisa.

Fit-8.00pm laqgħa taż-żgħażagħ 20+ fl-Oratorju.

Il-Ġimgħa 6 ta’ Diċembru isir it-tqarbin tal-morda tal-ewwel grupp. Filgħaxija fil-quddiesa tas-6.30pm isir it-tesserament tal-azzjoni kattolika tan-nisa.

Is-Sibt 7 ta’ Diċembru Fit-3.30pm isiru l-provi tal-kor tat-tfal fil-Knisja bi tħejjija għal Lejliet il-Milied. Fis-6.00pm nitolbu t-talba tal-għasar.

Bejn il-Ġimgħa 6 u l-Ħadd 8 ta’ Diċembru ser isir il-Christmas Market fil-maħżen tal-Knisja b’risq il-Parroċċa. Wieħed isib ħafna affarijiet li jista’ jixtri għal dan iż-żmien tal-Milied.

Il-Ħadd 8 ta’ Diċembru ser ikun hawn il-bank tad-demm mal-ġenb tal-Knisja. Tkun ħaġa sabiħa li min jista’ jagħmel din l-opra ta’ karità u jagħti d-demm.

Infakkru fl-iskema tal-benefatturi tas-Sagristija.

Ser isir it-tqassim tar-rigali tal-Milied għat-tfal fid-djar fl-Imġarr minn Father Christmas il-Ħadd 22 ta’ Diċembru. Dawk li jixtiequ jħallu r-rigal għandhom jagħmlu dan waqt il-Christmas Market jew l-Uffiċċju Parrokkjali flimkien mad-donazzjoni tagħhom.

Fuq wara tal-Knisja wieħed jista’ jsib diversi kotba, li jista’ jieħu, dwar il-qaddej t’Alla, Mons Ġużeppi De Piro fundatur tal-MSSP bħala parti mill-promozzjoni għall-kawża lejn il-qdusija tiegħu.

Għada/Illum il-Ħadd 1 ta’ Diċembru mis-1.00pm ‘il quddiem issir fiera fiż-Żebbiegħ.

Mal-fuljett Dawl il-Punent tqassam envelope tal-Ġabra tal-Milied b’risq il-Parroċċa. Kif tafu għaddejjin bil-proġetti tal-manutenzjoni tal-lanterna u l-proġett tas-Sagristija. Dan mhux ser jinġabar bieb bieb, għalhekk min jixtieq jgħin għandu jġibu hawnhekk fil-Knisja. Grazzi tal-għajnuna tagħkom.

Tqassam fid-djar ukoll, il-programm u stedina għall-bidu tal-ħidma tal-pastorali ta’ Dun Sean bħala Kappillan tal-Parroċċa.

Nhar il-Ħadd 8 ta’ Diċembru fil-11.30am jiċċelebra quddiesa mal-komunità taż-Żebbiegħ u  l-Ħamis 12 ta’ Diċembru ser issir Velja ta’ talb bi tħejjija fil-Knisja Parrokkjali fis-7pm bis-sehem tal-għaqdiet.

Il-Ħadd 15 ta’ Diċembru, Jum il-pussess. Fil-4.45pm jibda Korteo mid-Dar Parrokkjali li jieqaf l-Oratorju fejn isir mument żgħir ta’ talb bis-sehem tal-abbatini, ż-żgħażagħ u l-adoloxxenti tal-Griżma u wara jkompli sal-Knisja. Fis-6.00pm tibda l-Quddiesa immexxija minn Mons Arċisqof fejn Dun Sean jingħata l-mandat uffiċjali. Wara jsir reċiviment fl-Oratorju. Kulħadd huwa mistieden għal din iċ-ċelebrazzjoni tal-Parroċċa kollha.