Għada/Illum il-Ħadd fl-10.30am issir quddiesa li fiha nbierku l-bambini. Nistiednu lit-tfal u l-familji.

It-Tnejn 23 ta’ Diċembru fl-aħħar jum tan-Novena ser issir il-Purċissjoni tal-Bambin fil-5.30pm. Toħroġ mill-Knisja Parrokkjali għal Triq Fisher, Santa Marija, San Pawl, Dun Edgar u lura l-Knisja. Inħeġġu lil kulħadd biex jattendi speċjalment it-tfal. F’każ ta’ maltemp niltaqgħu xorta fil-Knisja.

It-Tlieta 24 ta’ Diċembru Lejliet il-Milied. Fit-3.30pm jiltaqa’ l-Kor tat-tfal għall-aħħar prova. Fis-6.30pm ikun hawn quddiesa tal-Vġili li fiha nitolbu t-talba tal-ewwel għasar tal-Milied. Fit-8.00pm issir quddiesa fil-Knisja taż-Żebbiegħ.

Fl-10.30pm tiftaħ il-Knisja u fil-11.00pm tibda velja b’riflessjonijiet marbutin mal-Ġublew tat-Tama bis-sehem tal-Korijiet tat-Tfal u taż-Żgħażagħ. Fl-aħħar issir il-prietka tradizzjonali minn żewġ abbatini. F’12.00am tibda l-quddiesa solenni tal-lejl qaddis tal-Milied.

L-Erbgħa 25 ta’ Diċembru Jum il-twelid ta’ Sidna Ġesu Kristu, quddies bħal ta’ nhar ta’ Ħadd.

Il-Ġimgħa 27 ta’ Diċembru jsir it-tqarbin tal-morda tat-tielet grupp.

Fis-6.00pm issir ċelebrazzjoni tal-Milied fil-Knisja taż-Żebbiegħ bil-prietka tal-Milied tat-tfal u wara quddiesa.

Is-Sibt 28 ta’ Diċembru niċċelebraw il-festa tal-Familja Mqaddsa.

L-ewwel jum tal-kwaranturi: Il-Knisja tkun mituħa l-ġurnata kollha għat-talb quddiem Ġesu Ewkaristija. Fis-6.00pm adorazzjoni organizzata miIl-Kummissjoni Familja u fis-6.30pm quddiesa għall-familji kollha mmexxija minn Fr James Saydon.

Fis-7.15pm ser isir kunċert ta’ mużika sagra tal-Milied fil-Knisja, b’risq il-proġett tas-Sagristija minn Vox Dulcis Chorale u l-kor tat-tfal tal-Parroċċa. Inħeġġukom tattendu.

Il-Ħadd 29 ta’ Diċembru ser isir il-ftuħ tal-ġublew tat-tama f’Malta minn Monsinjur Arċisqof. Fil-5.00pm tibda ċelebrazzjoni fil-Bażilika ta’ San Pawl ir-Rabat u tintemm b’quddiesa fil-Katidral tal-Imdina. Minħabba dan il-quddiesa ta’ filgħaxija ssir fl-4.00pm mhux fil-5.00pm. Ser isir trasport għal min jixtieq jattendi. Nitilqu mill-pjazza fl-4.30pm. Importanti li tinkitbu fis-sagristija sal-Ġimgħa li ġej.

Matul din il-ġimgħa ser joħorġu d-dettalji dwar iċ-ċelebrazzjoni tal-Ġublew tat-Tfal li ser isir ġewwa l-Mosta nhar il-Ħadd 5 ta’ Jannar fil-5.00pm. Ser norganizzaw trasport għat-tfal li jixtiequ jattendu. It-tfal ser ikunu akkumpanjati mill-katekisti u mportanti li jġibu magħhom il-consent form.

Infakkru fl-inizjattivi ta’ karità tal-ġbir tal-ikel għall-Kċina ta’ Marta u d-donazzjonijiet għad-Dar tal-Providenza.

Is-Sibt 29, it-Tnejn 30 u t-Tlieta 31 ta’ Diċembru ser isiru l-kwaranturi fejn Ġesu Ewkaristija jkun espost għall-qima u t-talb tagħna fil-Knisja tul il-ġurnata kollha. Fuq wara tal-Knisja hemm karti, biex min jixtieq jikteb ismu għal siegħa ta’ adorazzjoni biex ma nħallux is-sagrament waħdu.

Nirringrazzjawkom mill-qalb tal-preżenza sabiħa tagħkom fiċ-ċelebrazzjoni tal-Ħadd li għadda tal-bidu tal-ħidma pastorali tal-kappillan. Grazzi lil kull min għen b’xi mod kemm fil-korteo, fil-Knisja u anke fis-Sala tal-Oratorju. Grazzi lill-benefatturi kollha, tajjeb li nsemmu li kull ma ntrama fis-sala ġie misluf lilna minn kumpaniji bla ħlas. Grazzi mill-qalb.  

Matul din il-ġimgħa tajna l-aħħar tislima lil Angela Muscat. Agħtiha O Mulej…