It-Tlieta 25 ta’ Marzu issir il-laqgħa tal-abbatini fil-5.00pm.
Il-Ħamis 27 ta’ Marzu wara l-quddiesa ta’ filgħaxija ssir l-adorazzjoni fil-Knisja Parrokkjali.
Il-Ġimgħa 28 ta’ Marzu fil-5.00pm jkun hemm adorazzjoni fil-Knisja taż-Żebbiegħ.
Fis-7.30pm ser issir Via Sagra fi Triq ir-Ruħ (it-triq taċ-ċimiterju) bi ħsibijiet u animazzjoni miż-ŻAK Imġarr. Kulħadd mistieden jattendi.
Is-Seminar tar-Randan tal-Griżma ġie pospost għas-Sibt 29 ta’ Marzu filgħodu.
Fil-quddiesa tas-6.30pm tkompli l-katekeżi dwar il-qrar.
Infakkru fl-iskema tal-benefatturi tas-Sagristija.
Il-Kummissjoni tal-Ġimgħa l-Kbira tavża li min jixtieq jieħu sehem fil-purċissjoni tal-Via Crucis bħala persunaġġ, inkluż it-tfal, għandu jkellem lill-membri tal-kummissjoni jew lill-Kappillan.
Bejn it-Tnejn 31 u l-Ġimgħa 4 t’April ser isir kors t’eżerċizzi għal kulħadd fil-Knisja Parrokkjali fit-7.50am immexxija minn Patri Stephen Borg OFM Conv.
Il-Little Sisters of the Poor javżaw li fil-weekend li għadda ġabru s-somma ta’ €1480.25 minn ħdejn il-bibien tal-Knisja. Grazzi tal-generożità tagħkom.
Is-Sibt 5 t’April ser issir Pasta Night organizzata mill-Grupp tal-Fundraising tal-Parroċċa fis-Sala tal-Oratorju. Inħeġġukom tibbukkjaw il-post tagħkom.
Il-Ħamis 10 t’April ser isir pellegrinaġġ għar-Redentur tal-Isla. Min hu nteressat ikellem lill-membri tal-azzjoni sat-Tnejn 7 t’April.
Kif tafu matul din il-ġimgħa għadda għall-ħajja ta’ dejjem l-Arċisqof Emeritu Mons. Pawlu Cremona OP. Inżommu lilu u l-Knisja f’Malta fit-talb tagħna. +Agħtih O Mulej…
