Nhar it-Tnejn 21 tApril, il-Mulej sejjaħ għall-ħajja ta’ dejjem lill-Papa Franġsiku. Inħeġġukom inkomplu nitolbu b’suffraġju għalih filwaqt li nitolbu għall-Knisja f’dan iż-żmien partikulari u mportanti fejn ser ikun qed jintgħażel ir-ragħaj il-ġdid.  

Għada/llum tiġi organizzata Festa Frawli mill-Kummissjoni Lejla Mġarrija tal-Parroċċa tagħna bil-kollaborazzjoni u l-għajnuna tal-Kunsill Lokali. Inħeġġukom tipparteċipaw, infakkru li d-dħul kollu ta’ din l-attivita jmur għall-proġett tas-Sagristija.

It-Tnejn 28 t’April fil-quddiesa ta’ filgħodu jkollna l-espożizzjoni tar-relikwa tal-Beatu Carlo Acutis li ser tkun hawnhekk fil-Knisja għat-talb tagħna tul il-ġimgħa kollha.

Filgħaxija nbierku Triq Sant’Anna u Misraħ iż-Żebbiegħ.

It-Tlieta 29 t’April fil-5.30pm laqgħa għall-abbatini fl-Oratorju.

Filgħaxija nbierku Triq il-Fuħħar l-Aħmar (minn S.Temi sa Ġnien id-Dwieli) u Triq ta’ Qarawas,

L-Erbgħa 30 t’April fil-quddiesa ta’ filgħaxija ser isir ħsieb minn Fra Lorrie Zerafa OFM dwar il-Beatu Carlo Acutis.

Fit-7.40pm ser issir laqgħa fil-Knisja Parrokkjali għall-ġenituri u l-parrini tal-adoloxxenti li ser jagħmlu l-Griżma tal-Isqof din is-sena.

Il-Ħamis 1 ta’ Mejju Festa ta’ San Ġużepp Ħaddiem. Quddies bħal ta’ nhar ta’ xogħol. Wara l-quddiesa ta’ filgħodu ssir l-adorazzjoni mill-Grupp tal-Ħniena Divina. 

Wara l-quddiesa ta’ filgħaxija jkun hawn adorazzjoni bi ħsibijiet tal-Beatu Acutis.

Il-Ġimgħa 2 ta’ Mejju filgħdodu jsir it-tqarbin tal-morda tal-ewwel grupp.

Filgħaxija r-relikwa t’Acutis tittieħed l-Oratorju fejn issir laqgħa u talb għaż-Żgħażagħ.

Il-Ħadd 4 ta’ Mejju Nistiednu lit-tfal u l-familji għall-quddiesa tal-10.30am fejn ser nirriflettu dwar il-Beatu Carlo Acutis.

It-Tnejn 5 ta’ Mejju fis-7.30pm ser issir laqgħa għall-Operaturi Pastorali kollha tal-Parroċċa tagħna fis-Sala tal-Knisja taż-Żebbiegħ. Inħeġġuhom jattendu.

Il-Weekend li ġej huwa l-ewwel weekend tax-xahar u għalhekk issir il-ġabra speċjali b’risq il-Parroċċa. Infakkru fl-iskema tas-Sagristija.

Matul din il-ġimgħa tajna l-aħħar tislima lil Karmena Vassallo. Agħtiha…