Matul dan il-weekend issir il-ġabra speċjali għall-bżonnijiet tal-Parroċċa.

It-Tnejn 3 ta’ Marzu ser issir attività għall-abbatini. Niltaqgħu fid-9.30am l-Knisja.
Filgħaxija jiltaqa’ l-Kor għal-provi.

L-Erbgħa 5 ta’ Marzu nagħtu bidu għaż-żmien qaddis tar-Randan. Infakkru li din hija ġurnata ta’ sawm u astinenza. Fis-7.00am nitolbu it-talba tal-Via Sagra u wara quddiesa bit-tqegħid tal-irmied. Fis-6.00pm Pellegrinaġġ Penitenzjali bil-Kurċifiss mill-Knisja Parrokkjali li jgħaddi għal Triq Mons Oraz Vella, Triq Ġannmari Camilleri, Triq il-Kbira u lura l-Knisja. Fis-6.30pm quddiesa bit-tqegħid tal-irmied animata mill-Kor Parrokkjali. Inħeġġukom ilkoll biex tieħdu sehem.

Il-Ħamis 6 ta’ Marzu wara l-quddiesa ta’ filgħodu ssir l-adorazzjoni organizzata mill-Grupp tal-Ħniena Divina. Fid-9.00am issir il-laqgħa tal-A.K. Nisa.
Wara l-quddiesa ta’ filgħaxija jkun hawn l-adorazzjoni organizzata bis-sehem tal-gruppi tal-Parroċċa.
Fit-8.00pm issir laqgħa għaż-Żgħażagħ 20+ fl-Oratorju.

Il-Ġimgħa 7 ta’ Marzu huwa l-ewwel ġimgħa tax-xahar. Il-Kappella tas-Sorijiet Franġiskani minn Triq Dun Ġużepp Micallef ser tkun miftuħa bejn it-8.30am u l-11.30am għat-talb fis-skiet quddiem Ġesu Ewkaristija. Filgħodu jsir it-tqarbin tal-morda tal-ewwel grupp.
Fis-6.00pm nitolbu t-talba tal-Via Sagra.
Fis-7pm ser issir laqgħa għal dawk kollha nvoluti fil-liturġija: letturi/ministri straordinarji tat-tqarbin u dawk involuti fil-mużika. Importanti l-attendenza tagħhom. Il-Laqgħa ser issir fis-sala tal-Knisja taż-Żebbiegħ u jmexxi Patri Anton Farrugia OFM.

Il-Ġbir tal-quddies tal-weekend li ġej imur għall-bżonnijiet tas-Seminarju tal-Arċisqof.

Fil-weekend li ġej, iż-ŻAK Imġarr ser ikunu qed jorganizzaw Bake Sale ħdejn il-bibien tal-Knisja b’risq il-ħidma tagħhom maż-Żgħażagħ.

Il-Kummissjoni Familja qed torganizza nofstanhar seminar tar-Randan għall-familji, koppji u għarajjes nhar l-Erbgħa 19 ta’ Marzu ġewwa s-Seminarju. Id-dettalji jinstabu fuq il-poster u biex wieħed jibbukkja l-post tiegħu irid jew online u jimla l-google form jew inkella jmur l-Uffiċċju Parrokkjali.

Mit-Tnejn sas-Sibt matul ir-Randan kollu tintalab it-talba tal-Via Sagra fis-7.00am.

Infakkru fl-iskema tal-benefatturi tas-sagristija.

Ħareġ il-fuljett Dawl il-Punent bil-programm tar-Randan u l-Għid. Ġentilment nitolbu lid-distributuri biex jiġbru l-kopji tagħhom mis-Sagristija.

Nirringrazzjaw lill-grupp organizzattiv, l-voluntiera u l-isponsors kollha biex ġiet organizzata l-Maratona Sports. Is-Somma totali li nġabret għall-bżonnijiet tal-Oratorju u d-Dar tal-Providenza kienet ta’ €15,504. Grazzi mill-qalb!