
Għada/illum il-Ħadd 29 ta’ Diċembru ser isir il-ftuħ tal-ġublew tat-tama f’Malta minn Monsinjur Arċisqof. Fil-5.00pm tibda ċelebrazzjoni fil-Bażilika ta’ San Pawl ir-Rabat u tintemm b’quddiesa fil-Katidral tal-Imdina. Minħabba dan il-quddiesa ta’ filgħaxija ssir fl-4.00pm mhux fil-5.00pm. Għal dawk li nkitbu, it-Trasport jitlaq mill-pjazza fl-4.30pm.
It-Tnejn 30 ta’ Diċembru jkomplu l-kwaraturi fil-Knisja minn wara l-quddiesa ta’ filgħodu sa filgħaxija. Inħeġġukom issibu ftit ħin fil-kwiet għat-talb quddiem Ġesu Ewkaristija. Fl-10.00am ikun hawn adorazzjoni animata għat-tfal. Fis-6.00pm adorazzjoni organizzata u wara quddiesa. Fit-3.00pm jsir il-festin tal-Milied għall-anzjani fl-Oratorju organizzat mill-Kummissjoni Djakonija.
It-Tlieta 31 ta’ Diċembru l-aħħar jum tal-kwaranturi, l-Knisja tkun miftuħa bħal jum ta’ qabel. Fis-6.00pm adorazzjoni organizzata u fis-6.30pm quddiesa ta’ ringrazzjament lil Alla għal din is-sena li għaddiet bil-kant tat-Te Deum. Dakinhar ser issir ċelebrazzjoni tal-bidu tal-Ġublew tat-Tama.
L-Erbgħa 1 ta’ Jannar Solennità ta’ Marija Omm Alla u l-ewwel jum tas-sena. Quddies bħal ta’ nhar ta’ Ħadd. Dakinhar il-ġbir fil-quddies kollu jmur għad-Dar tal-Providenza. Infakkru li fuq wara tal-Knisja hemm ukoll kaxxa li tistgħu titfgħu l-għotjiet tagħkom. Inħeġġukom tkunu ġenerużi.
Il-Ħamis 2 ta’ Jannar wara l-quddiesa ta’ filgħodu issir adorazzjoni organizzata mill-grupp tal-Ħniena Divina. L-Grupp tal-Abbatini ser ikollhom ħarġa għal Għawdex.
Il-Ġimgħa 3 ta’ Jannar l-ewwel ġimgħa tax-xahar, isir it-tqarbin tal-morda tal-ewwel grupp.
Il-Ħadd 5 ta’ Jannar ser isir il-Ġublew tat-Tfal ġewwa l-Mosta. Ser norganizzaw trasport għat-tfal li jixtiequ jattendu. It-tfal ser ikunu akkumpanjati mill-katekisti u mportanti li jġibu magħhom il-consent form li tistgħu ssibu online. Importanti li min ġej jibgħat messaġġ jew ikellem il-Kappillan sal-Ġimgħa li ġej. Nitilqu fl-4.30pm minn ħdejn l-iskola.
Issa li qed tispiċċa s-sena, infakkru fl-iskema tal-beneatturi tas-sagristija.
Il-Ħadd li ġej huwa l-ewwel ħadd tax-xahar u għalhekk issir il-ġabra speċjali għall-bżonnijiet tal-Parroċċa.
Il-Kunsill Lokali qed jorganizza attività tal-Epifanija fuq iz-Zuntier tal-Parroċċa bejn it-2 u l-5 ta’ Jannar. Jixtiequ jistiednu lit-tfal biex jiġu fil-pjazza lebsin ta’ rgħajja jew anġli biex jilqgħu is-slaten maġi l-Ħadd 5 ta’ Jannar fid-9.30am. Infakkru li l-quddiesa tal-10.30am tkun animata għat-tfal u l-familji.