It-Tnejn 16 ta’ Ġunju – Il-Quddiesa ta’ filgħaxija ssir fiċ-Ċimiterju fl-okkażjoni ta’ Jum il-Missier. Fis-6.30pm Rużarju u fis-7.00pm Quddiesa.

L-Erbgħa 18 ta’ Ġunju fit-3.00pm issir il-laqgħa tal-anzjani fl-Oratorju.

Il-Ħamis 19 ta’ Ġunju Fid-9.00am issir il-laqgħa tal-AK Nisa.

Wara l-Quddiesa ta’ filgħaxija ssir l-adorazzjoni fil-Knisja Parrokkjali.

Il-Ġimgħa 20 ta’ Ġunju  Filgħodu jsir it-tqarbin tal-morda tat-tielet grupp.

Il-Ħadd 22 ta’ Ġunju Niċċelebraw is-Solennità tal-Ġisem u d-Demm tal-Mulej. Fl-4.00pm adorazzjoni, fil-5.00pm quddiesa u wara Purċissjoni b’Ġesu Ewkaristija li tgħaddi minn Triq il-Kbira, Dun Edgar, San Pawl, Ċentinarji tal-Parroċċa, San Filippu, waqfa għand is-Sorijiet Franġiskani, Triq Sir Harry Luke u lura għall-Knisja. Jieħdu sehem it-tfal tal-Ewwel Tqarbina, l-fratelli, l-abbatini u l-kor. Filwaqt li nħeġġukom lkoll nieħdu sehem u nipparteċipaw fit-talb, nħeġġu lil min joqgħod f’dawn it-toroq li ser tgħaddi l-purċissjoni biex iżejjnu d-djar tagħhom bħala sinjal ta’ qima lejn Ġesu Ewkaristija.  

Il-Ġimgħa 27 ta’ Ġunju, festa tal-Qalb ta’ Ġesu ser issir ġurnata adorazzjoni fil-Knisja minn wara l-quddiesa ta’ filgħodu. Fuq il-mejda ta’ wara fil-Knisja hemm karta biex inniżlu isimna biex ma nħallux lil Ġesu waħdu.  

Fejn il-bibien tal-Knisja qed jinbiegħu l-biljetti għall-Majjalata li ser issir fit-28 ta’ Ġunju b’risq il-Parroċċa, kif ukoll min jixtieq iġedded l-iskema tas-Sagristija jew jinkiteb bħala benefattur ġdid jista’ jagħmel dan hemmhekk ukoll.

Ħarġu d-dettalji tal-Klabb Sajf u l-Korsijiet tal-ħjata u l-presepji. Min jixtieq japplika għat-tfal għandu jimla l-google form online. Dawn l-attivitajiet jibdew mit-tieni ġimgħa ta’ Lulju. Meta jiġu l-ewwel darba t-tfal għandhom iġibu magħhom l-formola mimilja tal-Arċidjoċesi li ssibuha fil-form u d-donazzjoni mitluba. Min għandu xi mistoqsijiet dwar dan jista’ jkellimna.

Ser jerġa’ jingħaqad il-Kor tat-Tfal biex jieħu sehem fil-festa tat-Tfal  ta’ Santa Marija u nhar il-Festa fejn ser ikantaw fejn l-Oratorju x’ħin tasal l-istatwa ta’ Santa Marija. Inħeġġuhom jieħdu sehem. Min hu nteressat għandu jkellem lil Kappillan jew jibgħat messaġġ fuq il-paġna tal-facebook tal-Parroċċa.

Inħeġġu tfal ġodda jingħaqdu mal-grupp tal-abbatini tal-Parroċċa tagħna. Apparti l-laqgħat u s-servizz, jkollhom diversi attivitajiet oħra s-sena kollha. It-tfal: subien u bniet iridu jkunu għamlu l-Ewwel Tqarbina. Min hu nteressat ikellem lill-Kappillan.

Inħeġġu liż-żgħażagħ u l-adoloxxenti jattendu għall-attivitajiet u l-laqgħat li ser jorganizzaw iż-ŻAK fl-Oratorju matul dan is-Sajf. Il-Programm tistgħu ssibuh fuq il-paġna tal-facebook.

Il-Ġbir tal-weekend li ġej imur b’risq l-ispejjeż tal-festa ta’ Santa Marija.

Matul din il-ġimgħa tajna l-aħħar tislima lil Piju Camilleri. + Agħtih O Mulej…