
Matul din il-ġimgħa jitkomplew l-attivitajiet fl-Oratorju għat-tfal li applikaw biex jieħdu sehem.
It-Tnejn 19 ta’ Lulju, jibdew il-provi tal-kor bi preparazzjoni għall-festa ta’ Santa Marija, fil-5.30pm fil-Knisja Parrokkjali.
l-Erbgħa, 14 ta’ Lulju wara l-Klabb Sajf Flimkien, fil-5.00pm fl-Oratorju, issir il-quddiesa tas-7.00pm animata għat-tfal, fil-Knisja Parrokkjali.
Il-Ħamis 15 ta’ Lulju, wara l-quddiesa ta’ filgħaxija ssir l-Adorazzjoni tal-Ħamis.
Is-Sibt 17 ta’ Lulju l-quddiesa tas-7.00pm se tkun animata għat-tfal u l-familji tagħhom, fil-Knisja Parrokkjali.
Il-Ġabra speċjali b’risq il-Parroċċa li saret fi tmiem l-ġimgħa li għaddiet kienet ta’ €794.29; grazzi mill-qalb.
Infakkru li fl-aħħar ġimgħa ta’ Lulju se ssir ġimgħa attivitajiet għaż-żgħażagħ kollha; inħeġġu ħafna lill-ġenituri biex iħajru liż-żgħażagħ tagħna ħalli jattendu għal dawn l-attivitajiet. Tistgħu taraw l-programm u tapplikaw online. Għal aktar informazzjoni kellmu lill-Kappillan.
Se ssir laqgħa għall-Grupp tal-Abbatini, nhar It-Tnejn 19 ta’ Lulju fil-5.30pm fil-Knisja Parrokkjali.