Dan il-weekend indawwru l-ħin għal dak tax-xitwa. Il-quddies mit-Tnejn sas-Sibt fil-Knisja Parrokkjali jkun fis-6.30pm u ż-Żebbiegħ it-Tlieta u l-Ġimgħa fis-6.00pm.

Għada/illum il-Ħadd niċċelebraw il-festa fil-Kappella ta’ Binġemma. Fl-4.00pm programm ta’ marċi fuq iz-zuntier tal-Kappella, fl-4.30pm Purċissjoni u fil-5.30pm quddiesa tal-festa. Inħeġġukom nieħdu sehem.

It-Tnejn 27 t’Ottubru nbierku Triq Santa Marija (minn San Filippu sa Ħaġrat)

It-Tlieta 28 t’Ottubru Filgħaxija nbierku Triq San Pietru (minn Ħaġrat sa San Pawl)

Il-Ħamis 30 t’Ottubru Fid-9.00am issir il-laqgħa tal-A.K Nisa fl-Oratorju.

Filgħaxija nbierku Triq San Pietru (minn San Pawl sat-tarf).

Wara l-Quddiesa ta’ filgħaxija ssir Velja ta’ talb bi ħsibijiet Marjani fl-okkażjoni tal-75 anniversarju mill-proklamazzjoni tad-Domma.  Kulħadd mistieden.

Fit-8.00pm laqgħa għaż-Żgħażagħ 20+ fid-dar parrokkjali.

Il-Ġimgħa 31 t’Ottubru ser niċċelebraw il-festa tal-qaddisin kollha għat-tfal. Fil-5.00pm quddiesa l-Oratorju u wara festin għalihom. Booking isir billi timtela l-formola online. Il-quddiesa tas-6.30pm issir xorta fil-Knisja.

Is-Sibt 1 ta’ Novembru niċċelebraw is-Solennità tal-Qaddisin kollha u l-75 anniversarju mill-proklamazzjoni tad-Domma tal-Assunta.

Fid-9.30am kulħadd mistieden jingħaqad għal ċelebrazzjoni Djoċesana mmexxija mill-Arċisqof fil-Kon-Katidral ta’ San Ġwann f’din l-okkażjoni.

Fis-6.30pm quddiesa Solenni fil-Knisja Parrokkjali bis-sehem tal-Kor Parrokkjali.

Il-Ħadd 2 ta’ Novembru  l-Għid tal-Imwiet, nitolbu għal dawk kollha li għaddew għall-ħajja ta’ dejjem.

Il-Quddiesa tal-5.00pm tkun animata mill-Kor Parrokkjali.

Nistiednu lit-tfal u l-familji għall-quddiesa tal-10.30am. L-għada t-Tnejn issir quddiesa u t-tberik taċ-Ċimiterju.

Fetaħ l-booking tal-intenzjonijiet tal-quddies tal-Knisja Parrokkjali għas-sena li ġejja (2026). Infakkru li l-prassi tal-Knisja hi li f’kull Quddiesa ikun hemm intenzjoni ta’ familja waħda biss, għall-eċċezzjoni ta’ darbtejn fil-ġimgħa: nhar ta’ Erbgħa u Sibt.

Ser issir ikla Maltija fl-Oratorju b’risq il-ħidma tal-Oratorju nhar is-Sibt 29 ta’ Novembru. Booking u dettalji fuq il-poster. Dakinhar qabel l-ikla ser issir l-inawgurazzjoni wara t-tisbiħ li sar matul l-aħħar sena fis-sular ta’ fuq tal-Oratorju. Inħeġġukom tattendu.

Infakkru fl-iskema tas-Sagristija. 

Il-Ġabra għall-missjoni tal-weekend li għadda mill-Knisja Parrokkjali kienet ta’ €3125 u mill-Knisja taż-Żebbiegħ €575.37.