Illum/ilbieraħ s-Sibt 9 ta’ Lulju, bdiet l-esperjenza ġewwa l-Albanija ta’ grupp mill-Parroċċa tagħna f’din is-sena speċjali taċ-ċentinarju. Nitolbu għalihom ħalli din l-esperjenza tħalli l-frott.
Għada/illum il-Ħadd, 10 ta’ Lulju, fil-Bażilika ta’ San Pawl tar-Rabat, fis-6.00pm, Dun Sean Abela, se jiċċelebra l-quddiesa ta’ ringrazzjament għad-Don tas-saċerdozzju. Inħeġġukom biex nattednu u nitolbu miegħu.
Nhar it-Tlieta, 12 ta’ Lulju, ssir l-laqgħa tal-Katekeżi għaż-żgħażagħ li se jiċċelebraw l-Griżma tal-Isqof. Il-Klassi ta’ Ms Rita se tkun fil-4.45pm u l-Klassi ta’ Ms Isabella tkun fis-5.45pm. Iż-żgħażagħ huma mistennija li jattendu.
Nhar l-Erbgħa 13 ta’ Lulju jkompli jiltaqa’ l-KLABB SAJF FLIMKIEN, b’attivita’ fl-Oratorju mill-5pm sal-Quddiesa tas-7pm bis-sehem tat-tfal. Nhar l-Erbgħa jaħbat is-70 anniversarju mill-ewwel ġebla tal-Oratorju , u mill-laqgħa ta’ talb li ssir kull 13 tax-xahar fl-Oratorju. Il-quddiesa ta’ fil-għaxija ssir fl-Oratorju mhux fil-Knisja. Il-Ġenituri jiġbru t-tfal mill-Oratorju. Nieħdu din l-opportunita’ biex nħeġġu lil min juża’ l-Oratorju biex iżomm l-post nadif.
Il-Ħamis, 14 ta’ Lulju wara l-quddiesa ta’ fil-għaxija ssir l-adorazzjoni.
Avviżi oħra.
Nixtiequ nfakkru fil-laqgħa li se ssir għall-ġenituri u l-parrini tal-griżma nhar it-Tlieta 26 ta’ Lulju fil-Knisja Parrokkjali fis-7.30pm fil-Knisja Parrokkjali.
Infakkarkom li l-ġimgħa d-dieħla se ssir l-festa ta’ Sant’ Anna fiż-Żebbiegħ.
Matul l-jiem li fihom il-Kappillan se jkun qiegħed jakkumpanja lill-grupp voluntiera mill-parroċċa tagħna fl-Albanija, Dun Sean Abela se jkun responsabbli mill-parroċċa.
