L-Erbgħa 18 ta’ Jannar, nibdew il-Ġimgħa ta’ Talb għall-Għaqda fost il-Knejjes Insara. Din hija appuntament annwali għall-Insara mad-dinja kollha, inħeġġukom biex nitolbu b’din l-intenzjoni.
Il-Ħamis 19 ta’ Jannar tibda l-Katekeżi fil-parroċċa għall-ewwel sentejn.
Il-Ġimgħa 20 ta’ Jannar tibda l-Katekeżi fil-parroċċa għas-sena tal-Griżma.
Is-Sibt 21 ta’ Jannar tibda l-Katekeżi għat- 3 sena sas- 6 sena, u wara jkun hemm l-quddiesa tat-tfal fl-Oratorju.
Is-Sibt 21 ta’ Jannar ser issir ikla fl-Oratorju bħala bidu ta’ preparamenti għall-Maratona sports li ser tkun b’risq id-Dar tal-Providenza u l-Oratorju. Inħeġġukom tattendu.
Mill-attività tal-Epifanija li organizza l-Kunsill Lokali fil-weekend li għadda, ser tingħata donazzjoni sabiex titħallas parti minn bandalora tal-festa. Din id-donazzjoni miġbura kienet ta’ €1,517. Grazzi mill-qalb.
Avviżi oħra
Nibdew inħeġġu minnn issa għall-Ġimgħa Familja 2023 li se ssir fl-Oratorju, fis-7.30pm bejn it-Tlieta 24 ta’ Jannar u l-Ħamis 26 ta’ Jannar. Ikun hemm min jieħu ħsieb lit-tfal.
Għada/llum 15 ta’ Jannar ser issir taħdita l-Kunsill Lokali fl-10.30am f’għeluq il-100 sena minn meta saru l-iskavi tat-Tempju ta’ Ħaġrat.
