Għada/Illum il-Ħadd, 1 t’Ottubru – niċċelebraw il-festa tal-Madonna tar-Rużarju Fil-5.00pm Quddiesa fil-Knisja Parrokkjali u Purċissjoni bi xbiha tal-Madonna li tgħaddi mit-Toroq Mons Oraz Vella, Vitale, San Pawl, Santa Marija, Fisher għall-Knisja. Inħeġġukom nieħdu sehem biex nitolbu għall-familji tal-Parroċċa tagħna. Nirringrazzjaw lill-organizzaturi li ħadu ħsieb din il-ġimgħa taż-Żjajjar tal-Madonna.

It-Tlieta, 3 t’Ottubru – fil 5.30pm ser issir il-laqgħa l-abbatini fl-Oratorju.

Il-Ħamis, 5 t’Ottubru – wara l-Quddiesa ta’ filgħodu ssir l-Adorazzjoni organizzata mill-grupp tal-Ħniena Divina.  Il-Ħamis ukoll fis-6.30pm, se ssir adorazzjoni b’talb għall-qdusija tas-saċerdoti u għal aktar vokazzjonijiet fis-Seminarju tal-Arċisqof, ir-Rabat segwita minn quddiesa fis-7.30pm.

Il-Ġimgħa, 6 t’Ottubru – huwa l-ġimgħa tax-xahar. Inħeġġukom biex nersqu għal Quddiesa u tqarbina tal-ewwel ġimgħa tax-xahar. Filgħodu jsir it-tqarbin tal-morda taż-Żona tal-Imġarr.

Is-Sibt 7 t’Ottubru – wara l-Quddiesa ta’ filgħodu ser isir il-ħasil tal-Oratorju qabel il-bidu tal-katekiżmu. Inħeġġukom biex nagħtu l-għajnuna.

Filgħaxija niltaqgħu flimkien għall-quddiesa ta’ ringrazzjament lil Alla, fit-tmiem tal-ħidma pastorali ta’ Dun George Schembri bħala Kappillan tal-Parroċċa tagħna. Il-quddiesa ta’ ringrazzjament tibda’ fis-7pm, fil-Knisja Parrokkjali. Kulħadd huwa mistieden.

Il-Ħadd 8 t’Ottubru – Fl-10.30am ser issir Quddiesa li għaliha huma mistiedna t-tfal kollha u l-familjari tagħhom. Inħeġġuhom biex iġibu l-basktijiet u l-affarijiet tal-iskola magħhom biex jitbierku waqt din il-Quddiesa. Dakinhar ser jingħata wkoll il-mandat lill-katekisti għal din is-sena pastorali ġdida. Wara ser ikun hemm Open Day fl-oratorju għall-familja kollha fejn isir ukoll it-tberik tal-klassijiet, u jkollkom ċans titkellmu mal-katekisti tat-tfal tagħkom.

Avviżi Oħra:

Kuljum f’Ottubru jintalab ir-rużarju fis-6.30pm ta’ filgħaxija quddiem Ġesù Ewkaristija. Inħeġġukom biex tieħdu sehem.

Il-Katekiżmu għal din is-sena li ġejja jibda nhar il-Ħamis 12 t’Ottubru għal Year 1 mill-4.45pm sal-5.30pm u Year 2 mill-4.30pm sal-5.30pm. Il-Ġimgħa 13 tal-Griżma mill-5pm sas-6pm. Dakinhar l-oratorju jiftaħ fl-4.30pm. Is-Sibt 14 għall-Year 3 sa 6 mill-4pm sas-6pm segwit mill-Quddiesa għall-familja kollha fis-5.45pm fl-Oratorju.

Il-Grupp taz-ZAK jerġa jibda jiltaqà minn nhar il-Ġimgħa 13 t’Ottubru. Aktar informazzjoni fuq il-page taz-ZAK Imġarr. Inħeġġu żgħażagħ u adoloxxenti oħra jingħaqdu ma’ dan il-grupp.

Nhar il-Erbgħa 18 t’Ottubru fis-7.30pm ser issir laqgħa għall-familji organizzata mill-kummisjoni familja ġewwa l-Oratorju mmexxija minn Fr. Frankie Cini MSSP. Inħeġġukom biex nattendu.

Infakkru fl-iskema ta’ Benefatturi għas-sagristija. Nirringrazzjawkom dejjem tas-sostenn kontinwu tagħkom.

Illum huwa l-ewwel Ħadd tax-xahar u ssir l-ġabra speċjali għall-bżonnijiet tal-Parroċċa. Inħeġġukom tkunu ġenerużi.