Għada/Illum il-Ħadd fl-10.30am ser issir Quddiesa li għaliha huma mistiedna t-tfal kollha u l-familjari tagħhom. Inħeġġuhom biex iġibu l-basktijiet u l-affarijiet tal-iskola magħhom biex jitbierku waqt din il-Quddiesa. Dakinhar ser jingħata wkoll il-mandat lill-katekisti għal din is-sena pastorali ġdida. Wara ser ikun hemm Open Day fl-oratorju għall-familja kollha fejn isir ukoll it-tberik tal-klassijiet, u jkollkom ċans titkellmu mal-katekisti tat-tfal tagħkom.
Il-Ħamis 12 – Nagħtu bidu għall-Katekiżmu fil-Parroċċa tagħna bil-grupp ta’ Year 1 mill-4.45pm sal-5.30pm u Year 2 mill-4.30pm sal-5.30pm.
Fl-okkażjoni tal-aħħar dehra tal-Madonna ta’ Fatima, nhar il-ħamis ukoll issir Quddiesa fis-7pm l-Oratorju u wara rużarju. Dakinhar ma jkunx hemm Quddiesa fil-Knisja Parrokkjali.
Il-Ġimgħa 13 – isir it-tqarbin tal-morda taż-Żebbiegħ. Il-Ġimgħa jibdew ukoll il-klassijiet tal-katekiżmu tal-Griżma mill-5pm sas-6pm. Dakinhar l-Oratorju jiftaħ fl-4.30pm.
Filgħaxija jibda jiltaqa l-Grupp taz-ZAK. Aktar informazzjoni fuq il-facebook page taz-ZAK Imġarr. Inħeġġu żgħażagħ u adoloxxenti oħra jingħaqdu ma’ dan il-grupp.
Is-Sibt 14 – jibda l-katekiżmu għall-Year 3 sa 6 mill-4pm sas-6pm. Wara jkun hemm il-Quddiesa għall-familja kollha fis-5.45pm fl-Oratorju.
Avviżi Oħra:
Kuljum f’Ottubru jintalab ir-rużarju fis-6.30pm ta’ filgħaxija quddiem Ġesù Ewkaristija. Inħeġġukom biex tieħdu sehem.
Nhar il-Erbgħa 18 t’Ottubru fis-7.30pm ser issir laqgħa għall-familji organizzata mill-kummisjoni familja ġewwa l-Oratorju mmexxija minn Fr. Frankie Cini MSSP. Inħeġġukom biex nattendu.
Infakkru fl-iskema ta’ Benefatturi għas-sagristija. Nirringrazzjawkom dejjem tas-sostenn kontinwu tagħkom.
Min ikollu bżonn ikellem lil Dun Noel jew Dun Sean tistgħu ssibu l-kuntatt tagħhom fuq in-noticeboards.
Matul dan il-weekend membri tal-Hospice Movement ser ikunu qegħdin jiġbru flus ħdejn il-bibien tal-Knisja. Grazzi tal-ġenerożità tagħkom.
Min jixtieq jista’ jieħu l-opportunità li jżur il-Kurja tal-Arċisqof fil-Furjana li se tkun miftuħa għall-pubbliku waqt l-attività Ġenna ta’ Ġonna, mit-8:30am sat-8pm.
