Illum huwa l-ewwel Ħadd tax-xahar, għaldaqstant issir il-ġabra speċjali b’risq il-Parroċċa.
Matul din il-Ġimgħa nibdew bl-attivitajiet tas-Sajf fl-Oratorju. Inħeġġu lit-tfal li applikaw għal diversi attivitajiet biex jieħdu sehem.
l-Erbgħa, 7 ta’ Lulju jibda l-Klabb Sajf Flimkien, fil-5.00pm fl-Oratorju u wara ssir il-quddiesa tas-7.00pm fil-Knisja Parrokkjali li tkun animata għat-tfal.
Il-Ħamis 8 ta’ Lulju – Wara l-quddiesa ta’ filgħaxija ssir l-Adorazzjoni tal-Ħamis.
Il-Ġabra għall-Papa li saret fi tmiem l-ġimgħa li kienet ta’ €1370 mill-Knisja Parrokkjali u ta’ €351.28 mill-Knisja taż-Żebbiegħ.
Fl-aħħar ġimgħa tal-Lulju se ssir ġimgħa attivitajiet għaż-żgħażagħ kollha, kemm dawk li jattendu fl-Oratorju kif ukoll żgħażagħ oħrajn li ma jattendu mkien. Inħeġġu ħafna lill-ġenituri biex iħeġġu liż-żgħażagħ tagħna ħalli jattendu għal dawn l-attivitajiet. Tistgħu taraw l-programm u tapplikaw online. Għal aktar informazzjoni kellmu lill-Kappillan.
Infakkru fil-Kors ta’ Kana f’Ottubru li ġej fil-Parroċċa tagħna; għad baqa’ ftit postijiet. Il-booking isir billi tavviċinaw lill-Kappillan.
